ਨਵੀਂ ਦਿੱਲੀ, 2 ਸਤੰਬਰ – ਕਾਂਗਰਸੀ ਆਗੂ ਤੇ ਸਾਬਕਾ ਕੇਂਦਰੀ ਵਿੱਤ ਮੰਤਰੀ ਪੀ.ਚਿਦੰਬਰਮ ਨੇ ਬੁੱਧਵਾਰ ਨੂੰ ਕੇਂਦਰ ਸਰਕਾਰ ਤੇ ਕੋਰੋਨਾ ਵਾਇਰਸ ਸੰਕਟ ਦੇ ਮੱਦੇਨਜ਼ਰ ਬਣਾਏ ਗਏ ਪੀਐੱਮ ਕੇਅਰ ਫੰਡ ਨੂੰ ਲੈ ਕੇ ਨਿਸਾਨਾ ਵਿੰਨ੍ਹਿਆ। ਚਿਦੰਬਰਮ ਨੇ ਸਵਾਲ ਕੀਤਾ ਕਿ ਪੀਐੱਮ ਕੇਅਰ ਫੰਡ ਦੇ ਟਰੱਸਟੀ ਡੋਨਰਸ ਦੇ ਨਾਂ ਉਜਾਗਰ ਕਰਨ ਤੋਂ ਡਰ ਕਿਉਂ ਰਹੇ ਹੋ? ਚਿਦੰਬਰਮ ਨੇ ਟਵੀਟ ਕਰ ਕਿਹਾ ਕਿ ਫੰਡ ਦੇ ਆਡਿਟਰਸ ਨੇ ਪੁਸ਼ਟੀ ਕੀਤੀ ਹੈ ਕਿ 26 ਤੇ 31 ਮਾਰਚ 2020 ਦੇ ਵਿਚਕਾਰ ਸਿਰਫ਼ 5 ਦਿਨਾਂ ‘ਚ ਫੰਡ ਨੂੰ 3.076 ਕਰੋੜ ਰੁਪਏ ਪ੍ਰਾਪਤ ਹੋਏ ਹਨ ਪਰ ਇਨ੍ਹਾਂ ਦਾਨੀਆ ਦੇ ਨਾਂ ਸਾਹਮਣੇ ਨਹੀਂ ਆਉਣਗੇ। ਅਜਿਹਾ ਕਿਉਂ?
ਚਿਦੰਬਰਮ ਨੇ ਅੱਗੇ ਕਿਹਾ ਕਿ ਕੋਈ ਵੀ ਐੱਨਜੀਓ ਜਾਂ ਟਰੱਸਟ ਇਕ ਸੀਮਾ ਤੋਂ ਜ਼ਿਆਦਾ ਰਾਸ਼ੀ ਦਾਨ ਕਰਨ ਵਾਲੇ ਦਾਨੀਆਂ ਦੇ ਨਾਂ ਉਜਾਗਰ ਕਰਨ ਲਈ ਮਜ਼ੂਬਤ ਹੈ। ਇਸ ਨਾਲ ਪੀਐੱਮ ਕੇਅਰ ਫੰਡ ਨੂੰ ਛੋਟ ਕਿਉਂ ਹੈ? ਉਨ੍ਹਾਂ ਨੇ ਪੁੱਛਿਆ ਕਿ ਦਾਨ ਪਾਉਣ ਵਾਲਾ ਗਿਆਤ ਹੈ। ਦਾਨ ਪਾਉਣ ਵਾਲੇ ਦੇ ਟਰੱਸਟੀ ਗਿਆਤ ਹਨ। ਫਿਰ ਟਰਸਟੀ, ਦਾਨੀਆਂ ਦੇ ਨਾਂ ਉਜਾਗਰ ਕਰਨ ਤੋਂ ਕਿਉਂ ਡਰ ਰਹੇ ਹਨ?