ਫਾਜ਼ਿਲਕਾ 31 ਅਗਸਤ – ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਪ੍ਰਕਾਸ ਪੁਰਬ ਨੂੰ ਸਮਰਪਿਤ ਸਕੂਲ ਸਿੱਖਿਆ ਵਿਭਾਗ ਵੱਲੋਂ ਸਿੱਖਿਆ ਮੰਤਰੀ ਵਿਜੈ ਇੰਦਰ ਸਿੰਗਲਾ ਦੀ ਰਹਿਨੂਮਾਈ ਅਤੇ ਸਿੱਖਿਆ ਸਕੱਤਰ ਕ੍ਰਿਸ਼ਨ ਕੁਮਾਰ ਦੀ ਅਗਵਾਈ ਵਿੱਚ ਸ਼ੁਰੂ ਕੀਤੇ ਗਏ । ਇਨ੍ਹਾਂ ਵੱਖ-ਵੱਖ ਵਿੱਦਿਅਕ ਮੁਕਾਬਲੇ ਦੀ ਲੜੀ ਵਿੱਚ ਅੱਜ ਪੰਜਵੇ ਮੁਕਾਬਲੇ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਸੈਕਡਰੀ ਡਾ.ਤ੍ਰਿਲੋਚਨ ਸਿੰਘ ਸਿੱਧੂ ਨੇ ਦੱਸਿਆ ਕਿ ਪੰਜਵੇ ਮੁਕਾਬਲੇ ਦੇ ਰੂਪ ਵਿੱਚ ਸਾਜ ਵਾਦਨ ਦੇ ਮੁਕਾਬਲੇ ਸ਼ੁਰੂ ਹੋ ਚੁੱਕੇ ਹਨ। ਜਿਸ ਵਿੱਚ ਹਰੇਕ ਵਰਗ ਲਈ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੀ ਗੁਰਬਾਣੀ ਅਧਾਰਤ ਧੁਨਾਂ ਵਜਾਉਣ ਦੀ ਆਗਿਆ ਹੋਵੇਗੀ। ਜਿਸ ਵਿੱਚ ਹਾਰਮੋਨੀਅਮ, ਤਬਲਾ, ਢੋਲਕ, ਤੂੰਬੀ, ਬੰਸਰੀ, ਸਾਰੰਗੀ ਅਤੇ ਢੰਡ ਸਾਜ਼ ਸ਼ਾਮਿਲ ਹਨ।
ਪ੍ਰਾਈਮਰੀ ਵਰਗ ਲਈ ਇਸ ਦਾ ਸਮਾਂ 3 ਤੋਂ 5 ਮਿੰਟ ਅਤੇ ਮਿਡਲ ਸੈਕੰਡਰੀ ਵਰਗ ਲਈ ਇਸ ਦਾ ਸਮਾਂ 4 ਤੋਂ 6 ਮਿੰਟ ਰਹੇਗਾ। ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿੇ ਹੋਏ ਐਲੀਮੈਂਟਰੀ ਸਿੱਖਿਆ ਅਧਿਕਾਰੀ ਡਾ. ਸੁਖਵੀਰ ਸਿੰਘ ਬੱਲ `ਨੈਸ਼ਨਲ ਅਵਾਰਡੀ ਨੇ ਦੱਸਿਆ ਕਿ ਸਾਰੇ ਸਾਜਾਂ ਵਿੱਚ ਵਿਦਿਆਰਥੀ ਕੇਵਲ ਇੱਕ ਸਾਜ਼ ਦੀ ਹੀ ਪੇਸ਼ਕਾਰੀ ਕਰ ਸਕਦਾ ਹੈ, ਜੇਕਰ ਚਾਹੇ ਤਾਂ ਸੰਗਤ ਕਰਨ ਵਾਲੇ ਸਾਜ਼ਿੰਦੇ ਜਾਂ ਇਲੈਕਟ੍ਰੋਨਿਕ ਆਈਟਮ ਦਾ ਪ੍ਰਯੋਗ ਵੀ ਕਰ ਸਕਦਾ ਹੈ।ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਡਾ.ਬੱਲ ਨੇ ਦੱਸਿਆ ਕਿ ਇੰਨ੍ਹਾਂ ਮੁਕਾਬਲਿਆ ਜਰੀਏ ਵਿਦਿਆਰਥੀਆਂ ਨੁੰ ਆਪਦੀ ਪ੍ਰਤਿਭਾ ਦਿਖਾਉਣ ਦਾ ਭਰਪੂਰ ਮੌਕਾ ਮਿਲ ਰਿਹਾ ਹੈ।
ਇਸ ਸਬੰਧੀ ਡਿਪਟੀ ਡੀ.ਈ.ਓ ਬ੍ਰਿਜ ਮੋਹਨ ਸਿੰਘ ਬੇਦੀ ਨੇ ਦੱਸਿਆ ਕਿ ਹੁਣ ਤੱਕ ਸ਼ਬਦ ਗਾਇਣ, ਗੀਤ ਗਾਇਣ, ਕਵਿਤਾ ਅਤੇ ਭਾਸ਼ਣ ਮੁਕਾਬਲੇ ਕਰਵਾਏ ਜਾ ਚੁੱਕੇ ਹਨ। ਜਿਸ ਵਿੱਚ ਲੱਖਾ ਵਿਦਿਆਰਥੀਆਂ ਨੇ ਭਾਗ ਲੈ ਕੇ ਸਾਬਿਤ ਕੀਤਾ ਹੈ ਕਿ ਵਿਦਿਆਰਥੀਆਂ ਵਿੱਚ ਹੁਨਰ ਠਾਠਾਂ ਮਾਰਦਾ ਹੈ ਅਤੇ ਇਨ੍ਹਾਂ ਮੁਕਾਬਲਿਆ ਜਰੀਏ ਉਹ ਆਪਣੀ ਪ੍ਰਤਿਭਾ ਦਿਖਾਉਣ ਵਿੱਚ ਕਾਮਯਾਬ ਹੋ ਰਹੇ ਹਨ। ਪੜ੍ਹਾਈ ਦੇ ਨਾਲ-ਨਾਲ ਇਹ ਮੁਕਾਬਲੇ ਉਨ੍ਹਾਂ ਦੇ ਸ਼ੋਕ ਅਤੇ ਖੂਬੀਆਂ ਨੂੰ ਸੰਵਾਰਨ ਸਜਾਉਣ ਅਤੇ ਦਿਖਾਉਣ ਦਾ ਕੰਮ ਵੀ ਕਰ ਰਹੇ ਹਨ ਜ਼ੋ ਕਿ ਉਨ੍ਹਾ ਦੇ ਭਵਿੱਖ ਲਈ ਵਰਦਾਨ ਸਾਬਿਤ ਹੋ ਸਕਦੇ ਹਨ। ਇਨ੍ਹਾਂ ਮੁਕਾਬਲਿਆਂ ਲਈ ਜਿਥੇ ਡਾਇਰੈਕਟਰ ਐਸ.ਸੀ.ਈ.ਆਰ.ਟੀ ਜਰਨੈਲ ਸਿੰਘ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਸਟੇਟ ਪੱਧਰ ਤੇ ਇਸ ਸੇਵਾ ਰੂਪੀ ਫਰਜ਼ ਨੂੰ ਬਾਖੂਬੀ ਨਿਭਾ ਰਹੀ ਹੈ, ਉਥੇ ਜ਼ਿਲ੍ਹਾ ਨੋਡਲ ਅਫਸਰ ਸੈਕੰਡਰੀ ਪੰਮੀ ਸਿੰਘ,ਸਵੀਕਾਰ ਗਾਂਧੀ, ਤਕਨੀਕੀ ਇੰਚਾਰਜ ਚੇਤਨ ਦੱਤ ਸ਼ਰਮਾ, ਸਮੂਹ ਸਕੂਲ ਮੁਖੀ ਗਾਈਡ ਆਧਿਆਪਕ ਅਤੇ ਮਾਪੇ ਵੀ ਜ਼ਿਲ੍ਹਾ ਪੱਧਰ ਤੱਕ ਭਰਪੂਰ ਸਹਿਯੋਗ ਲਈ ਇੱਕ ਟੀਮ ਦੇ ਰੂਪ ਵਿੱਚ ਕੰਮ ਕਰ ਰਹੇ ਹਨ।