ਅਪਰਾਧਾਂ ਤੇ ਨਸ਼ਿਆ ਦੇ ਖਾਤਮੇ ਲਈ ਲੋਕਾਂ ਦਾ ਸਹਿਯੋਗ ਜਰੂਰੀ – ਥਾਨਾ ਸਿਟੀ ਰਾਮਪੁਰਾ

ਰਾਮਪੁਰਾ ਫੂਲ 22 ਅਗਸਤ (ਹਰਪ੍ਰੀਤ ਹੈਪੀ )- ਪਿਛਲੇ ਦਿਨੀ ਸਿਟੀ ਰਾਮਪੁਰਾ ਥਾਨਾ ਅੰਦਰ ਤੈਨਾਤ ਹੋਏ ਥਾਨਾ ਮੁਖੀ ਭੁਪਿੰਦਰ ਸਿੰਘ ਨੇ ਗਲਤ ਅਨਸਰਾਂ ਵਿਰੁੱਧ ਮੁਹਿੰਮ ਸਖਤੀ ਨਾਲ ਚਲਾਉਣ ਦਾ ਐਲਾਨ ਕਰਨ ਤੋਂ ਬਾਅਦ ਉਨਾਂ ਸ਼ਹਿਰ ਰਾਮਪੁਰਾ ਵਿੱਚ ਗਸ਼ਤ ਮੁਹਿੰਮ ਦੇਰ ਰਾਤ ਤੱਕ ਚਲਾਉਣ ਦਾ ਫੈਸਲਾ ਕੀਤਾ। ਜਿਸਦੇ ਨਤੀਜੇ ਵਜੋਂ ਸ਼ਹਿਰ ਨਿਵਾਸੀਆਂ ਨੂੰ ਹੁਣ ਸਮਾਜ ਵਿਰੋਧੀ ਅਨਸਰਾਂ ਨੂੰ ਨੱਥ ਪੈਣ ਦੀ ਆਸ ਜਾਗੀ ਹੈ। ਥਾਨਾ ਮੁਖੀ ਖੁਦ ਸ਼ਹਿਰ ਦੇ ਬਜ਼ਾਰਾ ਵਿੱਚ ਜਾ ਕੇ ਟ੍ਰੈਫਿਕ ਇੰਚਾਰਜ ਗੁਰਿੰਦਰ ਸਿੰਘ ਗੋਰਾ ਸਮੇਤ ਸਮੱਸਿਆਵਾ ਠੀਕ ਕਰਵਾ ਰਹੇ ਹਨ। ਇਸ ਮੌਕੇ ਥਾਨਾ ਮੁਖੀ ਭੁਪਿੰਦਰ ਸਿੰਘ ਨੇ ਸਖਤ ਲਹਿਜੇ ਨਾਲ ਕਿਹਾ ਕਿ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਹਿੱਤ ਜ਼ਿਲੇ ਦੇ ਐਸਐਸਪੀ ਦੀ ਯੋਗ ਅਗਵਾਈ ਹੇਠ ਨਸ਼ਿਆ ਦੇ ਵਪਾਰੀਆਂ ਨੂੰ ਜੇਲਾ ਅੰਦਰ ਡੱਕਿਆ ਜਾ ਰਿਹਾ ਹੈ। ਉਨਾਂ ਗਲਤ ਅਨਸਰਾਂ ਨੂੰ ਤਾੜਨਾ ਕਰਦਿਆਂ ਕਿਹਾ ਕਿ ਜੇਕਰ ਉਨਾਂ ਕਾਲੇ ਕਾਰਨਾਮਿਆਂ ਨੂੰ ਕਰਨ ਤੋਂ ਤੋਬਾ ਨਾ ਕੀਤੀ ਤਾਂ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਉਨਾਂ ਨੌਜਵਾਨਾਂ ਨੂੰ ਸੱਟੇਬਾਜ਼ੀ ਤੋਂ ਦੂਰ ਰਹਿ ਕੇ ਨਸ਼ਿਆਂ ਤੋਂ ਦੂਰ ਰਹਿ ਕੇ ਚੰਗੇ ਸਮਾਜ ਦੀ ਰਚਨਾ ਕਰਨ ਦੀ ਤਾਕੀਦ ਵੀ ਕੀਤੀ ਤੇ ਸੱਟੇਬਾਜ਼ੀ ਨੂੰ ਸਮਾਜਿਕ ਬੁਰਾਈ ਤੱਕ ਕਿਹਾ। ਥਾਨਾ ਮੁਖੀ ਨੇ ਆਪਣੇ ਤਜਰਬੇ ਸਾਂਝੇ ਕਰਦਿਆਂ ਦੱਸਿਆ ਕਿ ਉਨਾਂ ਹਮੇਸ਼ਾ ਹੀ ਮਿਹਨਤ ਦਿ੍ਰੜ ਇਰਾਦੇ ਨਾਲ ਹਰ ਤਰਾਂ ਦੇ ਕਰਾਇਮ ਨੂੰ ਖਤਮ ਕੀਤਾ ਹੈ । ਉਨਾਂ ਲੋਕਾਂ ਨੂੰ ਆਪੀਲ ਵੀ ਕੀਤੀ ਕਿ ਉਹ ਪੁਲਸ ਦਾ ਸਹਿਯੋਗ ਕਰਨ ਤਾਂ ਜੋ ਸਮਾਜ ਵਿਰੋਧੀ ਅਨਸਰਾਂ ਤੇ ਨਕੇਲ ਕਸੀ ਜਾ ਸਕੇ। ਉਨਾਂ ਕਿਹਾ ਕਿ ਨਸ਼ਾ ਤਸਕਰਾਂ ਸਮੇਤ ਹਰ ਤਰਾਂ ਦੇ ਅਪਰਾਧ ਹੋਣ ਦੀ ਸੂਰਤ ਵਿੱਚ ਪੁਲਸ ਨੂੰ ਫੌਰੀ ਤੌਰ ਤੇ ਜਾਣੂੰ ਕਰਵਾਇਆ ਜਾਵੇ। ਉਨਾਂ ਦੱਸਿਆ ਕਿ ਨਗਰ ਕੌਂਸਲ ਵਪਾਰ ਮੰਡਲ ਅਤੇ ਕਈ ਸਮਾਜਸੇਵੀ ਸੰਸਥਾਵਾ ਸਮੇਤ ਸਮੂਹ ਲੋਕਾਂ ਦਾ ਉਨਾਂ ਨੂੰ ਭਰਪੂਰ ਸਹਿਯੋਗ ਮਿਲ ਰਿਹਾ ਹੈ ਜਿਸ ਸਦਕਾ ਉਹ ਸ਼ਹਿਰ ਰਾਮਪੁਰੇ ਸਮੇਤ ਪੂਰੇ ਇਲਾਕੇ ਦੀਆਂ ਸਮੱਸਿਆਵਾ ਨੂੰ ਖਤਮ ਕਰਨ ਲਈ ਹਮੇਸ਼ਾ ਤਤਪਰ ਰਹਿਣਗੇ।