ਸ੍ਰੀ ਮੁਕਤਸਰ ਸਾਹਿਬ,23 ਜੁਲਾਈ ( ਪਰਗਟ ਸਿੰਘ ) – ਆਸ਼ਾ ਵਰਕਰਜ਼ ਤੇ ਫੈਸਿਲੀਟੇਟਰ ਯੂਨੀਅਨ ਪੰਜਾਬ ਦੀ ਬਲਾਕ ਇਕਾਈ ਲੰਬੀ ਵੱਲੋਂ ਸੁਖਵਿੰਦਰ ਕੌਰ ਦੀ ਅਗਵਾਈ ਹੇਠ ਐੱਸ ਐੱਮ ਓ ਗਗਨਦੀਪ ਚਾਵਲਾ ਨੂੰ ਮੰਗ ਪੱਤਰ ਸੌਂਪਿਆ ਗਿਆ।
ਇਸ ਮੰਗ ਪੱਤਰ ਰਾਹੀਂ ਕੋਵਿਡ 19 ਦੇ ਸਰਵੇਲੈੰਸ ਦਾ ਕੰਮ ਕਰ ਰਹੀਆਂ ਆਸ਼ਾ ਵਰਕਰਾਂ ਨੂੰ ਦਿੱਤੇ ਜਾ ਰਹੇ ਇਨਸੈੰਟਿਵ ਨੂੰ 4 ਰੁਪਏ ਤੋਂ 12 ਰੁਪਏ ਪ੍ਰਤੀ ਵਿਅਕਤੀ ਕਰਨ, ਸਮਾਰਟ ਫੋਨ ਅਤੇ 300 ਰੁਪਏ ਦੇ ਮਹੀਨੇ ਦਾ ਨੈੱਟ ਪੈਕ ਦੇਣ, ਕੋਵਿਡ 19 ਦੇ ਭੱਤੇ 31 ਦਸੰਬਰ 2020 ਤੱਕ ਜਾਰੀ ਰੱਖਣ, ਸ਼ੱਕੀ ਮਰੀਜ਼ਾਂ ਦੇ ਟੈਸਟਾਂ ਲਈ ਸੁਪਰਵਾਈਜਰਾਂ ਨੂੰ ਮਜ਼ਬੂਰ ਕਰਨ ਤੋਂ ਰੋਕਣ, ਆਸ਼ਾ ਵਰਕਰਾਂ ਤੇ ਘੱਟੋ ਘੱਟ ਉਜ਼ਰਤ ਦਾ ਕਾਨੂੰਨ ਲਾਗੂ ਕਰਨ, ਵਰਕਰ ਦੀ ਮੌਤ ਹੋਣ ਤੇ ਪਰਿਵਾਰਾਂ ਨੂੰ ਅੈਕਸ ਗ੍ਰੇਸ਼ੀਆ ਗਰਾਂਟ ਦੇਣ ਦੀਆਂ ਮੰਗਾਂ ਸਿਹਤ ਮੰਤਰੀ ਤੱਕ ਪੁੱਜਦੀਆਂ ਕੀਤੀਆਂ ਗਈਆਂ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਗੁਰਮੀਤ ਕੌਰ, ਵੀਨਾ ਰਾਣੀ, ਪ੍ਰਵੀਨ ਕੌਰ, ਕੰਚਨ, ਪਰਮਜੀਤ ਕੌਰ, ਕੁਲਦੀਪ ਕੌਰ ਅਤੇ ਜਸਪ੍ਰੀਤ ਕੌਰ ਆਦਿ ਹਾਜ਼ਰ ਸਨ।