ਫ਼ਾਜ਼ਿਲਕਾ, 16 ਜੁਲਾਈ(ਸੁਰਿੰਦਰਜੀਤ ਸਿੰਘ) – ਸਿਵਲ ਸਰਜਨ ਡਾ. ਚੰਦਰ ਮੋਹਨ ਕਟਾਰੀਆ ਨੇ ਦੱਸਿਆ ਕਿ ਅੱਜ ਜ਼ਿਲੇ ਅੰਦਰ 27 ਕੇਸ ਸਾਹਮਣੇ ਆਏ ਹਨ ਜਿੰਨਾਂ ਵਿਚੋਂ 18 ਪੁਰਸ਼ ਤੇ 9 ਔਰਤਾਂ ਹਨ। ਉਨਾਂ ਦੱਸਿਆ ਕਿ 27 ਕੇਸਾਂ ਵਿਚੋਂ 3 ਜਣੇ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਨਾਲ ਸਬੰਧਤ ਹਨ ਪਰ ਇਨਾਂ ਦੀ ਸੈਂਪਿਗ ਫ਼ਾਜ਼ਿਲਕਾ ਵਿਖੇ ਹੋਈ ਹੈ ਤੇ ਰਿਪੋਰਟ ਪਾਜੀਟਿਵ ਆਈ ਹੈ। ਉਨਾਂ ਦੱਸਿਆ ਕਿ ਫ਼ਾਜ਼ਿਲਕਾ ਨਾਲ ਸਬੰਧਤ 24 ਕੇਸ ਹੋਣ ਨਾਲ ਜ਼ਿਲੇ ਅੰਦਰ 35 ਕਰੋਨਾ ਕੇਸ ਐਕਟਿਵ ਹੋ ਗਏ ਹਨ।
ਉਨਾਂ ਦੱਸਿਆ ਕਿ ਸਮੂਹ ਕੇਸਾਂ ਵਿਚੋਂ 8 ਜਣਿਆਂ ਦੀ ਟਰੈਵਲ ਹਿਸਟਰੀ ਹੈ ਅਤੇ 19 ਜਣਿਆਂ ਦੀ ਕੋਈ ਟਰੈਵਲ ਹਿਸਟਰੀ ਨਹੀਂ ਹੈ। ਉਨਾਂ ਦੱਸਿਆ ਕਿ 18 ਪੁਰਸ਼ਾਂ ਵਿਚੋਂ 5 ਜਣੇ ਬੀ.ਐਸ.ਐਫ ਜਵਾਨ ਹਨ। ਉਨਾਂ ਕਿਹਾ ਕਿ 9 ਔਰਤਾਂ ਵਿੱਚੋਂ 2 ਨਾਬਾਲਗ ਲੜਕੀਆਂ ਜਿਨਾਂ ਦੀ ਕ੍ਰਮਵਾਰ ਉਮਰ 10 ਤੇ 17 ਸਾਲ ਹੈ। ਉਨਾਂ ਦੱਸਿਆ ਕਿ ਜ਼ਿਲੇ ਅੰਦਰ ਕੁੱਲ 141 ਪਾਜੀਟਿਵ ਕੇਸ ਹਨ ਜਿਨਾਂ ਵਿਚੋਂ 104 ਜਣੇ ਠੀਕ ਹੋ ਕੇ ਘਰ ਪਰਤੇ ਗਏ ਹਨ, ਦੋ ਦੀ ਮੌਤ ਹੋ ਚੁੱਕੀ ਹੈ ਅਤੇ 35 ਵਿਅਕਤੀਆਂ ਇਲਾਜ ਅਧੀਨ ਹਨ। ਇਕ 19 ਸਾਲਾ ਲੜਕੀ ਦੀੇ ਫਰੀਦਕੋਟ ਮੈਡੀਕਲ ਕਾਲਜ ਵਿਖੇ ਮੌਤ ਹੋ ਗਈ ਹੈ।