ਫਾਜ਼ਿਲਕਾ ਜ਼ਿਲੇ ਅੰਦਰ 3 ਪਾਜ਼ਿਟਿਵ ਅਤੇ 86 ਨੈਗੈਟਿਵ ਰਿਪੋਰਟਾਂ ਪ੍ਰਾਪਤ-ਸਿਵਲ ਸਰਜਨ

ਫਾਜ਼ਿਲਕਾ 13 ਜੁਲਾਈ(ਸੁਰਿੰਦਰਜੀਤ ਸਿੰਘ) – ਸਿਵਲ ਸਰਜਨ ਡਾ. ਚੰਦਰ ਮੋਹਨ ਕਟਾਰੀਆ ਨੇ ਦੱਸਿਆ ਕਿ ਅੱਜ ਜ਼ਿਲੇ ਅੰਦਰ 3 ਹੋਰ ਪਾਜ਼ਿਟਿਵ ਕੇਸਾਂ ਦੀ ਪੁਸ਼ਟੀ ਹੋਈ ਹੈ। ਉਨਾਂ ਦੱਸਿਆ ਕਿ ਦੋ ਜਣੇ ਪੰਜਾਾਬ ਦੇ ਬਾਹਰ ਤੋਂ ਕ੍ਰਮਵਾਰ ਤਿ੍ਪੁਰਾ ਅਤੇ ਬਿਹਾਰ ਤੋਂ ਆਏ ਸਨ ਜਿਨਾਂ ਦੇ ਸੈਂਪਲ ਲੈਣ ਤੋਂ ਅੱਜ ਰਿਪੋਰਟ ਪਾਜ਼ਿਟਿਵ ਆਈ ਹੈ। ਉਨਾਂ ਦੱਸਿਆ ਕਿ ਤਿੰਨ ਕੇਸ ਆਉਣ ਨਾਲ ਜ਼ਿਲੇ ਅੰਦਰ ਐਕਟਿਵ ਕੇਸਾਂ ਦੀ ਗਿਣਤੀ 11 ਹੋ ਗਈ ਹੈ।
ਸਿਵਲ ਸਰਜਨ ਨੇ ਦੱਸਿਆ ਕਿ ਤਿੰਨੋ ਜਣੇ ਪੁਰਸ਼ ਹਨ ਜਿਨਾਂ ਵਿੱਚੋਂ ਇਕ ਦੀ ਉਮਰ 43 ਸਾਲ ਜਿਸ ਦੀ ਟਰੈਵਲ ਹਿਸਟਰੀ ਤਿ੍ਪੁਰਾ ਦੀ ਹੈ, ਦੂਜਾ ਜਣਾ 24 ਸਾਲਾ ਜੋ ਕਿ ਬਿਹਾਰ ਤੋਂ ਆਇਆ ਸੀ ਅਤੇ ਤੀਜਾ ਜਣਾ 24 ਸਾਲ ਦਾ  ਹੈ ਜਿਸ ਦੀ ਕੋਈ ਟਰੈਵਲ ਹਿਸਟਰੀ ਨਹੀਂ ਹੈ। ਉਨਾਂ ਦੱਸਿਆ ਕਿ ਅੱਜ ਸੋਮਵਾਰ ਨੂੰ ਕੁੱਲ 89 ਰਿਪੋਰਟਾ ਪ੍ਰਾਪਤ ਹੋਈਆਂ ਜਿਸ ਵਿੱਚੋਂ 3 ਪਾਜ਼ਿਟਿਵ ਅਤੇ 86 ਰਿਪੋਰਟਾਂ ਨੈਗੇਟਿਵ ਹਨ।
ਉਨਾਂ ਜ਼ਿਲਾ ਵਾਸੀਆਂ ਨੂੰ ਅਪੀਲ ਕੀਤੀ ਹੈ ਕਿ ਸਰਕਾਰ ਦੀਆਂ ਹਦਾਇਤਾਂ ਨੂੰ ਅਪਣਾ ਕੇ ਘਰ ਤੋਂ ਬਾਹਰ ਜਾਣ ਸਮੇਂ ਮਾਸਕ ਲਾਜ਼ਮੀ ਪਾਇਆ ਜਾਵੇ, ਵਾਰ-ਵਾਰ ਹੈਂਡ ਸੈਨੇਟਾਈਜਰ ਜਾਂ ਸਾਬਨ ਨਾਲ ਹੱਥ ਧੋਤੇ ਜਾਣ ਅਤੇ ਇਕੱਠ ਵਾਲੀ ਜਗਾਂ ’ਤੇ ਸਮਾਜਿਕ ਦੂਰੀ ਬਣਾਈ ਰੱਖੀ ਜਾਵੇ ਤਾਂ ਜੋ ਕਰੋਨਾ ਵਾਇਰਸ ਦਾ ਫੈਲਾਅ ਨਾ ਹੋ ਸਕੇ।