ਬਠਿੰਡਾ, 30 ਜੂਨ – ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਚਲਾਏ ਗਏ ਮਿਸ਼ਨ ਫਤਿਹ ਤਹਿਤ ਅਤੇ ਸਿਵਲ ਸਰਜਨ ਬਠਿੰਡਾ ਡਾ. ਅਮਰੀਕ ਸਿੰਘ ਸੰਧੂ ਦੀ ਦੇਖ ਰੇਖ ਹੇਠ ਅੱਜ ਅਰਬਨ ਯੂ.ਪੀ.ਐਚ..ਸੀ. ਪਰਸ ਰਾਮ ਨਗਰ ਬਠਿੰਡਾ ਵਿਖੇ ਜਾਗਰੂਕਤਾ ਕੈਂਪ ਲਗਾਇਆ ਗਿਆ । ਇਸ ਮੌਕੇ ਜ਼ਿਲਾ ਮਾਸ ਮੀਡੀਆ ਅਫਸਰ ਜਗਤਾਰ ਸਿੰਘ ਬਰਾੜ ਵੱਲੋੇ ਟੀਕਕਰਨ ਲਈ ਪਹੰੁਚੇ ਲਾਭ ਪਾਤਰੀਆਂ ਨੂੰ ਮਿਸ਼ਨ ਫਤਿਹ ਦੀ ਜਾਣਕਾਰੀ ਦਿੱਤੀ ਗਈ । ਉਨਾਂ ਦੱਸਿਆ ਕਿ ਕੋਵਿਡ-19 ਉੱਤੇ ਫਤਿਹ ਹਾਸਲ ਕਰਨ ਲਈ ਸਾਨੂੰ ਪੰਜਾਬ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ । ਉਨਾਂ ਕਿਹਾ ਕਿ ਘਰੋਂ ਬਾਹਰ ਜਾਣ ਲੱਗਿਆਂ ਆਪਣਾ ਮੂੰਹ ਮਾਸਕ ਨਾਲ ਢੱਕ ਕੇ ਜਾਉ। ਬਾਜ਼ਾਰ ਵਿੱਚ ਸ਼ੌਪਿੰਗ ਕਰਦੇ ਸਮੇਂ ਇੱਕ ਦੂਜੇ ਤੋਂ ਸਮਾਜਿਕ ਦੂਰੀ ਬਣਾ ਕੇ ਰੱਖੀ ਜਾਵੇ ਤਾਂ ਜ਼ੋ ਕੋਰੋਨਾ ਵਾਇਰਸ ਦੇ ਫੈਲਾਅ ਨੂੰ ਰੋਕਿਆ ਜਾ ਸਕੇ । ਆਪਣੇ ਹੱਥਾਂ ਨੂੰ ਰੋਜਮਰਾ ਦੇ ਕੰਮ ਕਾਰ ਦੌਰਨ ਘੱਟੋ ਘੱਟ 8 ਤੋਂ 10 ਵਾਰ ਜਰੂਰ 20 ਤੋਂ 30 ਸੈਕਿੰਡ ਤੱਕ ਸਾਬਣ ਨਾਲ ਜਰੂਰ ਧੋਵੋ ਜਾਂ ਸੈਨੇਟਾਈਜ਼ਰ ਦੀ ਵਰਤੋਂ ਕਰੋ । ਜੇਕਰ ਅਸੀ ਇਨਾਂ ਨਿਰਦੇਸ਼ਾਂ ਦੀ ਪਾਲਣਾ ਕਰਾਂਗੇ ਤਾਂ ਹੀ ਅਸੀਂ ਆਪਣੇ ਆਲੇ-ਦੁਆਲੇ, ਆਪਣੇ ਸ਼ਹਿਰ, ਅਤੇ ਆਪਣੇ ਸਮਾਜ ਨੂੰ ਇਸ ਕੋਰੋਨਾ ਵਾਹਿਰਸ ਦੇ ਫੈਲਾਅ ਤੋਂ ਬਚਾ ਸਕਦੇ ਹਾਂ ਅਤੇ ਤੰਦਰੁਸਤ ਸਮਾਜ ਦੀ ਸਿਰਜਣਾ ਵਿੱਚ ਆਪਣਾ ਯੋਗਦਾਨ ਪਾ ਸਕਦੇ ਹਾਂ । ਇਸ ਮੌਕੇ ਜ਼ਿਲਾ ਬੀ.ਸੀ.ਸੀ. ਕੁਆਰਡੀਨੇਟਰ ਨਰਿੰਦਰ ਕੁਮਾਰ, ਮ.ਪ.ਹ.ਵ.( ਫੀਮੇਲ) ਸੁਖਮੰਦਰ ਕੌਰ, ਸਤੰੰਿਦਰਪਾਲ ਕੌਰ,ਫਾਰਮੇਸੀ ਅਫਸਰ ਪਰਵਿੰਦਰ ਸਿੰਘ, ਆਸ਼ਾ ਵਰਕਕਰ ਸੁਖਵਿੰਦਰ ਕੌਰ ਅਤੇ ਜਗਦੀਸ਼ ਰਾਮ ਹਾਜ਼ਰ ਸਨ ।