ਪੇਂਡੂਆਂ ਦਾ ਚੁੱਲ੍ਹਾ ਅਤੇ ਸ਼ਹਿਰੀਆਂ ਦੀ ਹੁੰਦੀ ਸੀ ਅੰਗੀਠੀ

ਬਠਿੰਡਾ 10ਜੂਨ (ਅਮਨ ਔਲਖ ) :-ਝਰਨੇਦਾਰ ਚੁੱਲ੍ਹੇ ਨੂੰ ,ਜਿਸ ਵਿੱਚ ਕੋਲਾ ਜਾਂ ਲੱਕੜ ਦਾ ਬੂਰ ਪਾ ਕੇ ਅੱਗ ਬਾਲੀ ਜਾਂਦੀ ਹੈ , ਅੰਗੀਠੀ ਕਹਿੰਦੇ ਹਨ । ਪਿੰਡਾਂ ਵਿੱਚ ਕਪਾਹ  , ਨਰਮੇ ਦੀ ਛੱਟੀਆਂ , ਲੱਕੜਾ , ਪਾਥੀਆਂ ਅਤੇ ਹੋਰ ਬਹੁਤ ਸਾਰੇ ਬਾਲਣ ਹਨ ,ਜਿਨ੍ਹਾਂ ਨਾਲ ਚੁੱਲ੍ਹੇ ਬਾਲ ਕੇ ਰੋਟੀ ਟੁੱਕ ਕੀਤਾ ਜਾਂਦਾ ਹੈ । ਪਰ ਸ਼ੀਹਰਾਂ ਵਿੱਚ ਪਰਿਵਾਰ ਬਹੁਤੇ ਅੰਗੀਠੀ ਉੱਪਰ ਰਸੋਈ ਕਰਦੇ ਸਨ । ਪਿੰਡਾਂ ਵਿੱਚ ਵੀ ਕਈ ਪਰਿਵਾਰ ਅੰਗੀਠੀ ਬਾਲਦੇ ਸਨ । ਅੰਗੀਠੀਆਂ ਬਜ਼ਾਰ ਵਿੱਚੋਂ ਬਣੀਆ ਬਣਾਈਆ ਮਿਲ ਜਾਂਦੀਆ ਸਨ ।ਕਈ ਪਰਿਵਾਰ ਪੁਰਾਣੀ ਬਾਲਟੀ ਜਾਂ ਪੀਪੇ ਵਿੱਚ ਲੋਹੇ ਦਾ ਝਰਨਾ ਲਗਵਾ ਕੇ ਅੰਗੀਠੀ ਬਣਵਾ ਲੈਂਦੇ ਸਨ। ਇਹਨਾਂ ਅੰਗੀਠੀਆਂ ਨੂੰ ਅੰਦਰ ਤੋਂ ਮਿੱਟੀ ਨਾਲ ਲਿੱਪਿਆ ਜਾਂਦਾ ਸੀ । ਇਹਨਾਂ ਦੇ ਪਿੱਛੋਂ ਮਿੱਟੀ ਦੇ ਤੇਲ ਨਾਲ ਚੱਲਣ ਵਾਲੇ ਸਟੋਵਾਂ ਨੂੰ ਰਸੋਈਆਂ ਵਿੱਚ ਵਰਤਿਆ ਜਾਣ ਲੱਗਿਆ । ਹੁਣ ਤਾਂ ਸ਼ਹਿਰਾਂ ਵਿੱਚ ਬਹੁਤੇ ਪਰਿਵਾਰ ਰਸੋਈ ਲਈ ਰਸੋਈ ਗੈਸ ਦੀ ਵਰਤੋਂ ਕਰਦੇ ਹਨ ।ਅੰਗੀਠੀ ਦੀ ਵਰਤੋਂ ਹੁਣ ਬਹੁਤ ਹੀ ਘੱਟ ਕੀਤੀ ਜਾਂਦੀ ਹੈ ।