ਨਵੀਂ ਦਿੱਲੀ, 8 ਜੂਨ – ਦੇਸ਼ ਦੀ ਰਾਜਧਾਨੀ ਦਿੱਲੀ ‘ਚ ਇਕ ਵਾਰ ਫਿਰ ਭੂਚਾਲ ਦੇ ਹਲਕੇ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਸੋਮਵਾਰ ਨੂੰ ਦੁਪਹਿਰ 1 ਵਜੇ ਦੇ ਲਗਪਗ ਦਿੱਲੀ ਦੀ ਧਰਤੀ ਹਿੱਲੀ। ਭੂਚਾਲ ਦੇ ਇਹ ਹਲਕੇ ਝਟਕੇ ਦਿੱਲੀ-ਗੁਰੂਗ੍ਰਾਮ ਬਾਰਡਰ ‘ਤੇ ਮਹਿਸੂਸ ਕੀਤੇ ਗਏ। ਰਿਕਟਰ ਸਕੇਲ ‘ਤੇ ਇਸ ਦੀ ਤੀਬਰਤਾ 2.1 ਮਾਪੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਇਸ ਦੀ ਡੂੰਘਾਈ ਦਿੱਲੀ ਗੁੜਗਾਓ ਬਾਰਡਰ ‘ਤੇ 18 ਕਿਲੋਮੀਟਰ ਅੰਦਰ ਸੀ। ਸਾਹਮਣੇ ਆ ਰਹੀ ਜਾਣਕਾਰੀ ਮੁਤਾਬਕ ਭੂਚਾਲ ਦੇ ਝਟਕੇ ਹਲਕੇ ਸੀ ਤੇ ਇਸ ਨਾਲ ਜਾਨ ਮਾਲ ਦੇ ਨੁਕਸਾਨ ਦੀ ਕੋਈ ਸੂਚਨਾ ਨਹੀਂ ਹੈ।
ਦੇਸ਼ ਦੀ ਰਾਜਧਾਨੀ ਬੀਤੇ 2 ਮਹੀਨਿਆਂ ‘ਚ ਭੂਚਾਲ ਦੀ ਵਜ੍ਹਾ ਕਾਰਨ 10 ਵਾਰ ਹਿੱਲ ਚੁੱਕੀ ਹੈ।
ਦਿੱਲੀ ‘ਚ ਲਗਾਤਾਰ ਆ ਰਹੇ ਭੂਚਾਲ ਦੇ ਝਟਕਿਆਂ ‘ਚ ਲੰਬੇ ਸਮੇਂ ਮਗਰੋਂ ਇਸ ਦਾ ਕੇਂਦਰ ਦਿੱਲੀ ਰੋਹਤਕ ਤੇ ਫਰੀਦਾਬਾਦ ਬਣ ਰਹੇ ਹਨ।
ਸਰਕਾਰੀ ਰਿਕਾਰਡ ਮੁਤਾਬਕ ਰਾਜਧਾਨੀ ਦਿੱਲੀ ਤੇ ਐੱਨਸੀਆਰ ਭੂਚਾਲ ਦੇ ਜ਼ਿਆਦਾ ਤੀਬਰਤਾ ਵਾਲੇ ਜੋਨ 4 ‘ਚ ਆਉਂਦੇ ਹਨ। ਜਿੱਥੇ ਰਿਕਟਰ ਪੈਮਾਨੇ ‘ਤੇ ਭੂਚਾਲ ਦੀ ਤੀਬਰਤਾ 8 ਤਕ ਆਉਣ ਦਾ ਖ਼ਦਸ਼ਾ ਰਹਿੰਦਾ ਹੈ।