ਡੇਰੇਕ ਚੌਵਿਨ ਖ਼ਿਲਾਫ਼ ਸੈਕਿੰਡ-ਡਿਗਰੀ ਕਤਲ ਦਾ ਇਲਜ਼ਾਮ ਜੋੜਿਆ ਅਤੇ ਬਾਕੀਆਂ ਤੇ ਕਤਲ ਵਿੱਚ ਸਹਾਇਤਾ ਦੇ ਚਾਰਜ ਲੱਗੇ

ਅਮਰੀਕਾ, 4 ਜੂਨ (ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਮਿਨੇਸੋਟਾ ਸਟੇਟ ਨੇ ਸਾਬਕਾ ਪੁਲਿਸ ਅਧਿਕਾਰੀ ਡੇਰੇਕ ਚੌਵਿਨ ਖ਼ਿਲਾਫ਼ ਸੈਕਿੰਡ-ਡਿਗਰੀ ਕਤਲ ਦਾ ਇਲਜ਼ਾਮ ਜੋੜਿਆ ਹੈ ਅਤੇ ਜਾਰਜ ਫਲਾਇਡ ਦੀ ਮੌਤ ਦੇ ਸਬੰਧ ਵਿੱਚ ਤਿੰਨ ਹੋਰ ਸਾਬਕਾ ਪੁਲਿਸ  ਅਧਿਕਾਰੀਆਂ ਉੱਤੇ ਦੋਸ਼ ਤੈਅ ਕੀਤੇ ਹਨ।
ਬੁੱਧਵਾਰ ਨੂੰ ਅਦਾਲਤ ਵਿੱਚ ਚੌਵਿਨ ਖ਼ਿਲਾਫ਼ ਨਵਾਂ ਦੋਸ਼ ਸ਼ਾਮਲ ਕੀਤਾ ਗਿਆ, ਜਿਸ ਨੂੰ ਜਾਰਜ ਫਲਾਇਡ ਦੀ ਮੌਤ ਤੋਂ ਪਹਿਲਾਂ ਉਸਦੀ ਧੌਣ ਤੇ ਗੋਡਾ ਰੱਖਦੇ ਨੂੰ ਵੇਖਿਆ ਗਿਆ ਸੀ। ਚੌਵਿਨ ‘ਤੇ ਪਹਿਲਾਂ ਤੀਜੀ ਡਿਗਰੀ ਕਤਲ ਦਾ ਦੋਸ਼ ਲਗਾਇਆ ਗਿਆ ਸੀ। ਫੌਰਮਰ ਅਧਿਕਾਰੀ ਥੌਮਸ ਲੇਨ, ਟੌ ਥਾਓ ਅਤੇ ਜੇ. ਐਲਗਜ਼ੈਡਰ ਕੁਐਂਗ, ਜਿਨ੍ਹਾਂ ਨੂੰ ਮਿਨੀਆਪੋਲਿਸ ਪੁਲਿਸ ਵਿਭਾਗ ਤੋਂ ਚੌਵਿਨ ਦੇ ਨਾਲ ਬਰਖਾਸਤ ਕੀਤਾ ਗਿਆ ਸੀ, ਉੱਤੇ ਵੀ ਦੂਜੀ ਡਿਗਰੀ ਦੇ ਕਤਲ ਦੀ ਸਹਾਇਤਾ ਕਰਨ ਅਤੇ ਉਸ ਨਾਲ ਧੱਕਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।