ਬਠਿੰਡਾ 26ਮਈ(ਅਮਨ ਔਲਖ):- ” ਆਮ ਆਦਮੀ ਤੋਂ ਲੈ ਕੇ ਨੇਤੇ ਤੱਕ ” ਤੇ ” ਦਰਸ਼ਕਾਂ ਤੋਂ ਲੈ ਕੇ ਅਭਿਨੇਤੇ ਤੱਕ ” ਸੁਰਖੀਆ ‘ਚ ਰਹਿਣਾ ਕਿਹਨੂੰ ਨਹੀਂ ਪਸੰਦ । ਬਾਲੀਵੁੱਡ ਹਮੇਸ਼ਾ ਆਪਣੇ ਕਿੱਸਿਆ ਕਰਕੇ ਸੁਰਖੀਆ ‘ਚ ਰਿਹਾ । ਚਾਹੇ ਉਹ ਫ਼ਿਲਮ ਸੈੱਟ ‘ਤੇ ਮਸਤੀ ਦੀ ਗੱਲ ਹੋਵੇ ਜਾਂ ਫਿਰ ਰੋਜ਼ਾਨਾ ਮਰਾ ਦੇ ਕੰਮ ਦੀ ਸੈਲਫੀ , ਫੈਸ਼ਨ ਹੋਵੇ ਜਾਂ ਹੁਸਨ ਦਾ ਜਲਵਾ । ਹਰ ਕੋਈ ਇੱਕ ਦੂਜੇ ਤੋਂ ਵੱਧ ਕੇ ਹੈ । ਸਭ ਤੋਂ ਦਿਲਚਸਪ ਕਿੱਸੇ ਇਹਨਾਂ ਫਿਲਮੀ ਸਿਤਾਰਿਆ ਦੀਆਂ ਪ੍ਰੇਮ ਕਹਾਣੀਆ ਹਨ । ਇਹਨਾਂ ਕਿੱਸਿਆ ਕਰਕੇ ਕਈ ਸਿਤਾਰੇ ਸੁਰਖੀਆ ‘ਚ ਰਹੇ ਹਨ । ਆਉ ਫਿਰ ਤੁਹਾਨੂੰ ਵੀ ਦੱਸ ਦੇਈਏ , ਕਿਹੜੇ ਸਿਤਾਰੇ ਦੀ ਪ੍ਰੇਮ ਕਹਾਣੀ ਕਿੱਥੇ ਤੇ ਕਿਵੇਂ ਸ਼ੁਰੂ ਹੋਈ । ਅੱਜ ਗੱਲ ਕਰਦੇ ਹਾਂ ਬਾਲੀਵੁੱਡ ਦੀ ‘ਡਰੀਮ ਗਰਲ ‘ ਕਹੀ ਜਾਣ ਵਾਲੀ ਹੇਮਾ ਮਾਲਿਨੀ ਅਤੇ ਹੀ-ਮੈਨ ਧਰਮਿੰਦਰ ਦੀ । ਦੋਨਾਂ ਦੀ ਲਵ ਸਟੋਰੀ ਦੀ ਚਰਚਾ ਅੱਜ ਵੀ ਬਾਲੀਵੁੱਡ ਵਿੱਚ ਹੁੰਦੀ ਹੈ , ਅੱਜ ਵੀ ਦੋਨਾਂ ਦੀ ਜੋੜੀ ਨੂੰ ਔਨ ਸਕਰੀਨ ਤੇ ਆਫ ਸਕਰੀਨ ਤੇ ਪਸੰਦ ਕੀਤਾ ਜਾਂਦਾ ਹੈ । ਇਹਨਾਂ ਨੂੰ ਚਾਉਣ ਵਾਲਿਆ ਦੀ ਅੱਜ ਵੀ ਕੋਈ ਕਮੀ ਨਹੀਂ ।
ਕੀ ਤੁਸੀ ਜਾਣਦੇ ਹੋ , ਦੋਹਾਂ ਦਾ ਵਿਆਹ ਦੇ ਬੰਧਨ ‘ਚ ਬੱਝਣਾ ਆਸਾਨ ਨਹੀਂ ਸੀ । 70 ਦੇ ਦਹਾਕੇ ਵਿੱਚ 3-3 ਸੁਪਰਸਟਾਰ ਨੇ ਹੇਮਾ ਨੂੰ ਵਿਆਹ ਦੀ ਇੱਛਾ ਪ੍ਰਗਟ ਕੀਤੀ । ਇਹ 3 ਸੁਪਰਸਟਾਰ ਸਨ ਜਤਿੰਦਰ , ਸੰਜੀਵ ਕੁਮਾਰ ਤੇ ਧਰਮਿੰਦਰ । ਫਿਲਮ ‘ਤੁਮ ਹਸੀਂ ਮੈਂ ਜਵਾਂ ‘ ਦੀ ਸ਼ੂਟਿੰਗ ਦੌਰਾਨ ਹੇਮਾ ਅਤੇ ਧਰਮਿੰਦਰ ਇੱਕ ਦੂਜੇ ਨਾਲ ਪਿਆਰ ਵਿੱਚ ਪੈ ਗਏ । ਉੱਧਰ ਇਸ ਸਮੇਂ ਸੰਜੀਵ ਤੇ ਹੇਮਾ ਨੇ ਬਹੁਤ ਸਾਰੀਆ ਸੁਰਖੀਆ ਬਟੋਰੀਆ । ਸੰਜੀਵ ਕੁਮਾਰ ਨੇ ਹੇਮਾ ਦੇ ਘਰ ਰਿਸ਼ਤਾ ਦੇ ਕੇ ਆਪਣੇ ਮਾਤਾ ਪਿਤਾ ਨੂੰ ਭੇਜਿਆ , ਪਰ ਉਹਨਾਂ ਦੇ ਹੱਥ ਨਿਰਾਸ਼ਾ ਹੀ ਲੱਗੀ । ਇਸੇ ਦੌਰਾਨ ਸੰਜੀਵ ਜੀ ਜਤਿੰਦਰ ਨੂੰ ਹੇਮਾ ਦੇ ਘਰ ਰਿਸ਼ਤੇ ਲਈਂ ਮਨਾਉਣ ਲਈਂ ਭੇਜਿਆ । ਖ਼ੁਦ ਜਤਿੰਦਰ ਦਾ ਹੇਮਾ ਉੱਤੇ ਦਿਲ ਆ ਗਿਆ , ਉਸਨੇ ਹੇਮਾ ਨੂੰ ਪ੍ਰਪੋਜ਼ ਕਰ ਦਿੱਤਾ । ਪਰ ਇਸ ਵਿਚਕਾਰ ਧਰਮਿੰਦਰ ਤੇ ਹੇਮਾ ਵਿੱਚ ਨਜਦੀਕੀਆ ਵੱਧ ਰਹੀਆ ਸੀ । ਧਰਮਿੰਦਰ ਪਹਿਲਾਂ ਹੀ ਵਿਆਹਿਆ ਹੋਇਆ ਸੀ , ਤੇ ਹੇਮਾ ਨੂੰ ਕੁੱਝ ਸਮਝ ਨਹੀਂ ਆ ਰਿਹਾ ਸੀ ਕਿ ਕੀ ਫੈਸਲਾ ਲਵੇ ।
ਫਿਲਮ ‘ ਦੁਲਹਨ ‘ ਦੀ ਸ਼ੂਟਿੰਗ ਦੇ ਦੌਰਾਨ ਜਤਿੰਦਰ ਤੇ ਹੇਮਾ ਨੇ ਇੱਕ ਦੂਜੇ ਨਾਲ ਚੰਗਾ ਵਕਤ ਬਿਤਾਇਆ । ਸ਼ੂਟਿੰਗ ਖ਼ਤਮ ਦੇ ਬਾਅਦ ਜਤਿੰਦਰ ਆਪਣੇ ਮਾਤਾ- ਪਿਤਾ ਨਾਲ ਹੇਮਾ ਦੇ ਘਰ ਪਹੁੰਚਿਆ । ਦੋਹਾਂ ਪਰਿਵਾਰਾਂ ਦੀ ਗੱਲ ਬਾਤ ਚੱਲ ਰਹੀ ਸੀ ਕਿ , ਧਰਮਿੰਦਰ ਦਾ ਫੋਨ ਆਇਆ । ਧਰਮਿੰਦਰ ਨੇ ਹੇਮਾ ਨੂੰ ਕਿਹਾ ਕਿ ਕੋਈ ਵੀ ਫੈਸਲਾ ਲੈਣ ਤੋਂ ਪਹਿਲਾ ਇੱਕ ਵਾਰ ਉਸ ਨੂੰ ਮਿਲੇ । ਜਤਿੰਦਰ ਨੇ ਉਸੇ ਦਿਨ ਮੰਦਿਰ ‘ਚ ਵਿਆਹ ਕਰਨ ਦਾ ਫੈਸਲਾ ਲਿਆ ਉਸਨੂੰ ਡਰ ਸੀ ਕਿ ਕਿਤੇ ਹੇਮਾ ਆਪਣਾ ਫੈਸਲਾ ਨਾ ਬਦਲ ਦੇਵੇ । ਪਰ ਹਰ ਕੋਸ਼ਿਸ਼ ਦੇ ਬਾਵਜ਼ੂਦ ਦੋਹਾਂ ਦਾ ਵਿਆਹ ਨਾ ਹੋ ਸਕਿਆ ।
ਅਖੀਰ ਜਤਿੰਦਰ ਨੇ ਆਪਣੀ ਗਰਲਫਰੈਂਡ ਸ਼ੋਭਾ ਨਾਲ ਵਿਆਹ ਕਰਵਾ ਲਿਆ , ਪਰ ਧਰਮਿੰਦਰ ਦਾ ਪਹਿਲਾ ਵਿਆਹੇ ਹੋਣ ਕਰਕੇ , ਹੇਮਾ ਦੇ ਪਿਤਾ ਨੂੰ ਇਹ ਰਿਸ਼ਤਾ ਮਨਜ਼ੂਰ ਨਹੀਂ ਸੀ । ਦੋਹਾਂ ਦਾ ਰਿਸ਼ਤਾ ਖੁੱਲ ਕੇ ਮੀਡੀਆ ਦੇ ਸਾਹਮਣੇ ਆਉਣ ਲੱਗਿਆ । ਧਰਮਿੰਦਰ ਦੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਤਲਾਕ ਦੇਣ ਨੂੰ ਤਿਆਰ ਨਹੀਂ ਸੀ , ਅਖੀਰ 1980 ‘ਚ ਦੋਹਾ ਨੇ ਫੈਸਲਾ ਕਰ ਇਸਲਾਮ ਧਰਮ ਕਬੂਲ ਕਰਕੇ ਨਿਕਾਹ ਕਰ ਲਿਆ ।
