ਨਵੀਂ ਦਿੱਲੀ, 26 ਮਈ – ਸਰਕਾਰ ਨੇ ਘਰੇਲੂ ਉਡਾਣਾਂ ਤੋਂ ਬਾਅਦ ਨਿੱਜੀ ਉਡਾਣਾਂ ਨੂੰ ਵੀ ਇਜਾਜ਼ਤ ਦੇ ਦਿੱਤੀ ਹੈ, ਜਿਸ ਵਿਚ ਨਿੱਜੀ ਹੈਲੀਕਾਪਟਰ ਸੇਵਾ, ਚਾਰਟਡ ਏਅਰਲਾਈਨ ਆਦਿ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਕੇਂਦਰੀ ਹਵਾਬਾਜ਼ੀ ਮੰਤਰਾਲੇ ਵੱਲੋਂ ਹਦਾਇਤਾਂ ਵੀ ਜਾਰੀ ਕੀਤੀਆ ਗਈਆ ਹਨ। ਹਦਾਇਤਾਂ ਦੇ ਅਨੁਸਾਰ 45 ਮਿੰਟ ਪਹਿਲਾਂ ਏਅਰਪੋਰਟ ਜਾਂ ਹੈਲੀਪੈਡ ‘ਤੇ ਪਹੁੰਚਣਾ ਹੋਵੇਗਾ। ਇਸ ਤੋਂ ਇਲਾਵਾ ਵੈੱਬ ਚੈਕ ਇਨ ਅਤੇ ਇਲੈਕਟ੍ਰਾਨਿਕ ਭੁਗਤਾਨ ਕਰਨਾ ਵੀ ਜ਼ਰੂਰੀ ਅਤੇ ਇਸ ਮੌਕੇ ਦੋਵੇ ਪੱਖ ਆਪਸ ਵਿਚ ਕਿਰਾਇਆ ਤੈਅ ਕਰ ਸਕਦੇ ਹਨ। ਸਰਕਾਰ ਨੇ ਇਹ ਵੀ ਕਿਹਾ ਹੈ ਕਿ DGCA ਵੱਲੋਂ ਤੈਅ ਪ੍ਰਾਈਸ ਕੈਪ ਲਾਗੂ ਨਹੀਂ ਹੋਵੇਗਾ।
ਨਿੱਜੀ ਉਡਾਣਾਂ ਵਿਚ ਵੀ ਮੁਸਾਫਰਾਂ ਨੂੰ ਮਾਸਕ ਪਹਿਣਾ ਜਰੂਰੀ ਹੋਵੇਗਾ ਅਤੇ ਥਰਮਲ ਸਕ੍ਰੀਨਿੰਗ ਲਾਜ਼ਮੀ ਕੀਤੀ ਗਈ ਹੈ।ਹਦਾਇਤ ਵਿਚ ਮੁਸਾਫਰ ਆਪਣੇ ਨਾਲ ਖਾਣਾ ਨਹੀਂ ਲਿਜਾ ਸਕਦੇ। ਸਰਕਾਰ ਨੇ ਸਾਰਿਆ ਲਈ ਅਰੋਗਿਆ ਸੇਤੂ ਐਪ ਡਾਊਨਲੋਡ ਕਰਨਾ ਜ਼ਰੂਰੀ ਕੀਤਾ ਹੈ ਅਤੇ ਐਪ ਨਾ ਹੋਣ ‘ਤੇ ਸੈਲਫ ਡਿਕਲੇਰੇਸ਼ਨ ਦੇਣਾ ਲਾਜ਼ਮੀ ਹੋਵੇਗਾ।ਯਾਤਰਾ ਕਰਨ ਤੋਂ ਬਾਅਦ ਜਹਾਜ਼ ਨੂੰ ਸੈਨੇਟਾਈਜ਼ਰ ਕਰਨਾ ਵੀ ਲਾਜਮੀ ਹੋਇਆ ਹੈ ਅਤੇ ਮੁਸਾਫਿਰ ਨੂੰ ਵੀ ਸੈਨੇਟਾਈਜ਼ਰ ਕੀਤਾ ਜਾਵੇਗਾ।
