ਨਵੀਂ ਦਿੱਲੀ, 23 ਮਈ – WHO ਅਤੇ UNICEF ਨੇ ਮਿਲ ਕੇ ਚੇਤਾਵਨੀ ਦਿੱਤੀ ਹੈ। ਵਿਸ਼ਵ ਦੇ ਇਹਨਾਂ ਦੋ ਸੀਨੀਅਰ ਸੰਸਥਾਵਾਂ ਮੁਤਾਬਕ ਕੋਰੋਨਾ ਕਾਰਨ ਬੱਚਿਆਂ ਦਾ ਟੀਕਾਕਰਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ ਹੈ ਜੋ ਕਿ ਇਹਨਾਂ ਲਈ ਜਾਨਲੇਵਾ ਸਾਬਿਤ ਹੋ ਸਕਦਾ ਹੈ।ਕੋਰੋਨਾ ਦਾ ਜਾਨਲੇਵਾ ਵਾਇਰਸ ਇਹਨਾਂ ਲਈ ਖਤਰਾਂ ਤਾਂ ਹੈ ਨਾਲ ਹੀ ਇਸ ਦੇ ਨਾਲ ਦੇ ਦੂਜੇ ਵਾਇਰਸ ਵੀ ਬੱਚਿਆਂ ਤੇ ਕਦੇ ਵੀ ਘਾਤਕ ਸਾਬਿਤ ਹੋ ਸਕਦੇ ਹਨ। ਦਸ ਦਈਏ ਕਿ ਛੋਟੇ ਬੱਚਿਆਂ ਨੂੰ hepatitis, typhoid, cholera, Japanese encephalitis, rabies, polio, measles, mumps and rubella, chickenpox, pneumonia ਅਤੇ influenza ਵਰਗੀਆਂ ਬਿਮਾਰੀਆਂ ਤੋਂ ਬਚਾਉਣ ਲਈ ਟੀਕਾ ਲਗਾਇਆ ਜਾਂਦਾ ਹੈ।

ਪਰ ਲਾਕਡਾਊਨ ਕਾਰਨ ਇਹਨਾਂ ਬਿਮਾਰੀਆਂ ਦਾ ਟੀਕਾ ਬੱਚਿਆਂ ਤਕ ਨਹੀਂ ਪਹੁੰਚ ਰਿਹਾ। WHO ਅਨੁਸਾਰ ਇਸ ਸਮੇਂ ਘੱਟੋ ਘੱਟ 68 ਦੇਸ਼ਾਂ ਵਿੱਚ ਨਿਯਮਤ ਟੀਕਾਕਰਨ ਵਿਚ ਬਹੁਤ ਹੱਦ ਤਕ ਵਿਘਨ ਪਿਆ ਹੈ ਅਤੇ ਇਨ੍ਹਾਂ ਦੇਸ਼ਾਂ ਵਿੱਚ 1 ਸਾਲ ਤੋਂ ਘੱਟ ਉਮਰ ਦੇ ਲਗਭਗ 80 ਮਿਲੀਅਨ ਬੱਚਿਆਂ ਦੇ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ।

WHO ਦੇ ਅਨੁਸਾਰ ਕੋਰੋਨਾ ਕਾਰਨ – ਖਸਰਾ ਅਤੇ ਪੋਲੀਓ ਵਿਰੁੱਧ ਟੀਕਾਕਰਣ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋਇਆ ਹੈ।

ਖਸਰਾ ਟੀਕਾਕਰਨ ਮੁਹਿੰਮ 27 ਦੇਸ਼ਾਂ ਵਿਚ ਮੁਅੱਤਲ ਕੀਤਾ ਗਿਆ ਹੈ।

ਜਦਕਿ ਪੋਲੀਓ ਟੀਕਾਕਰਣ 38 ਦੇਸ਼ਾਂ ਵਿਚ ਹੋਲਡ ਕੀਤਾ ਗਿਆ ਹੈ।

ਦਸ ਦਈਏ ਕਿ ਕੋਰੋਨਾ ਵਾਇਰਸ ਦਾ ਪ੍ਰਕੋਪ ਲਗਾਤਾਰ ਦੁਨੀਆ ਭਰ ਵਿੱਚ ਫੈਲ ਰਿਹਾ ਹੈ। ਦੁਨੀਆ ਦੇ 213 ਦੇਸ਼ਾਂ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 107,706 ਨਵੇਂ ਕੋਰੋਨਾ ਮਾਮਲੇ ਸਾਹਮਣੇ ਆਏ ਹਨ ਅਤੇ ਮਰਨ ਵਾਲਿਆਂ ਦੀ ਗਿਣਤੀ ਵਿੱਚ 5,245 ਦਾ ਵਾਧਾ ਹੋਇਆ ਹੈ। ਵਰਲਡਮੀਟਰ ਦੇ ਅਨੁਸਾਰ ਵਿਸ਼ਵ ਭਰ ਵਿੱਚ ਹੁਣ ਤੱਕ ਲਗਭਗ 53 ਲੱਖ ਲੋਕ ਕੋਰੋਨਾ ਵਾਇਰਸ ਨਾਲ ਪੀੜਤ ਹੋ ਚੁੱਕੇ ਹਨ। ਇਨ੍ਹਾਂ ਵਿਚੋਂ 3 ਲੱਖ 39 ਹਜ਼ਾਰ 418 ਲੋਕਾਂ ਦੀ ਮੌਤ ਵੀ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ 21 ਲੱਖ 56 ਹਜ਼ਾਰ 288 ਲੋਕ ਵੀ ਇਨਫੈਕਸ਼ਨ ਮੁਕਤ ਹੋ ਚੁੱਕੇ ਹਨ।