ਸਹਾਇਤਾ ਅਤੇ ਪੀਸੀਏ ਵੱਲੋਂ ਫਰਿਜ਼ਨੋ ਦੇ ਨਰਸਿੰਗ-ਹੋਂਮ ਨੂੰ 250 ਮਾਸਕ ਡੋਨੇਟ ਕੀਤੇ ਗਏ

ਫਰਿਜ਼ਨੋ (ਕੈਲੇਫੋਰਨੀਆਂ) ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ – ਕੋਵਿੱਡ – 19 ਦੇ ਚੱਲਦਿਆਂ ਲੋੜਵੰਦ ਲੋਕਾਂ ਦੀ ਮੱਦਦ ਲਈ ਸਹਾਇਤਾ ਸੰਸਥਾ ਅਤੇ ਪੀਸੀਏ ਫਰਿਜ਼ਨੋ ਪਹਿਲੀ ਕਤਾਰ ਵਿੱਚ ਲੜਨ ਵਾਲੇ ਕਾਮਿਆਂ ਲਈ ਕੈਲੇਫੋਰਨੀਆਂ ਦੇ ਵੱਖੋ ਵੱਖ ਸ਼ਹਿਰਾਂ ਵਿੱਚ ਮਾਸਕ ਅਤੇ ਹੋਰ ਲੋੜੀਂਦਾ ਸਮਾਨ ਪਹੁੰਚਾ ਰਹੇ ਹਨ। ਇਸੇ ਕੜੀ ਤਹਿਤ ਫਰਿਜ਼ਨੋ ਦੇ ਡਾਊਨ ਟਾਊਨ ਵਿੱਚ ਡੀਕੋਰ ਮੈਨਚਿਸਰ ਨਰਸਿੰਗ ਹੋਂਮ ਜਿਹੜਾ ਪਹਿਲਾਂ ਗੋਲਡਨ ਲਿਵਿੰਗ ਦੇ ਨਾਂ ਨਾਲ ਜਾਣਿਆ ਜਾਂਦਾ ਸੀ। ਇਸ ਨਰਸਿੰਗ ਹੋਂਮ ਦੇ ਕੁਝ ਕੁ ਮਰੀਜ਼ ਪਿਛਲੇ ਦਿਨੀਂ ਕੋਵਿੱਡ ਪੀੜਤ ਵੀ ਪਾਏ ਗਏ ਸਨ। ਇਸ ਨਰਸਿੰਗ ਹੋਂਮ ਲਈ ਸਹਾਇਤਾ ਸੰਸਥਾ ਅਤੇ ਪੀਸੀਏ ਨੇ 250 ਸਰਜੀਕਲ ਮਾਸਕ ਪਹੁੰਚਦੇ ਕੀਤੇ। ਨਰਸਿੰਗ ਹੋਂਮ ਦੇ ਐਡਮਨਿਸਟੇਟਰ (administrator) ਬਰੈਂਡਨ ਬਿਗਲਿਓ (Brandon Bigelow ) ਨੇ ਉਚੇਚੇ ਤੌਰ ਸਹਾਇਤਾ ਅਤੇ ਪੀਸੀਏ ਦਾ ਧੰਨਵਾਦ ਕੀਤਾ।