ਨਵੀਂ ਦਿੱਲੀ, 30 ਮਾਰਚ – ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਦੇਸ਼ ਵਿਚ 21 ਦਿਨ ਦਾ ਲਾਕਡਾਊੁਨ ਹੈ। ਕੇਂਦਰ ਸਰਕਾਰ ਨੇ ਕਿਹਾ ਕਿ ਇਸ ਨੂੰ ਅੱਗੇ ਵਧਾਉਣ ਦਾ ਫਿਲਹਾਲ ਕੋਈ ਪਲਾਨ ਨਹੀਂ ਹੈ। ਵਿਸ਼ਵ ਸਿਹਤ ਸੰਗਠਨ ਮੁਤਾਬਕ ਦੁਨੀਆ ਭਰ ਦੇ 203 ਦੇਸ਼ਾਂ ਵਿਚ ਮਰੀਜ਼ਾਂ ਦੀ ਗਿਣਤੀ 6,38,146 ਮਾਮਲੇ ਹੋ ਗਏ ਹਨ ਅਤੇ 30,105 ਮੌਤਾਂ ਹੋ ਗਈਆਂ ਹਨ। ਕੋਰੋਨਾ ਵਾਇਰਸ ਦੇ ਮਾਮਲੇ ਭਾਰਤ ਵਿਚ ਵੀ ਵੱਧਦੇ ਹੀ ਜਾ ਰਹੇ ਹਨ। ਸਿਹਤ ਮੰਤਰਾਲਾ ਮੁਤਾਬਕ ਦੇਸ਼ ਵਿਚ ਅਜੇ ਤਕ 1024 ਮਾਮਲੇ ਸਾਹਮਣੇ ਆ ਗਏ ਹਨ। ਮਰਨ ਵਾਲਿਆਂ ਦੀ ਗਿਣਤੀ 27 ਹੋ ਗਈ ਹੈ। 96 ਲੋਕ ਠੀਕ ਹੋ ਗਏ ਹਨ।
ਸਿਹਤ ਮੰਤਰਾਲਾ ਮੁਤਾਬਕ ਰੱਖਿਆ ਅਨੁਸੰਧਾਨ ਅਤੇ ਵਿਕਾਸ ਸੰਗਠਨ ਅਗਲੇ ਹਫ਼ਤੇ ਤੋਂ ਰੋਜ਼ਾਨਾ 20000 ਐਨ 99 ਮਾਸਕ ਦਾ ਨਿਰਮਾਣ ਕਰੇਗਾ। ਘਰੇਲੂ ਨਿਰਮਾਤਾ ਪ੍ਰਤੀ ਦਿਨ 50000 ਐਨ 95 ਮਾਸਕ ਦਾ ਉਤਪਾਦਨ ਕਰ ਰਹੇ ਹਨ। ਅਗਲੇ ਹਫ਼ਤੇ ਤੋਂ ਹਰ ਰੋਜ਼ ਇਕ ਲੱਖ ਤਕ ਉਤਪਾਦਨ ਦੀ ਉਮੀਦ ਹੈ। ਭਾਰਤ ਦੇ ਹਸਪਤਾਲਾਂ ਵਿਚ ਸਟਾਕ ਵਿਚ 11.95 ਲੱਖ ਐਨ 95 ਮਾਸਕ ਹੈ।
ਪਿਛਲੇ 2 ਦਿਨਾਂ ਦੌਰਾਨ 4 ਲੱਖ ਵਧੇਰੇ ਮਾਸਕ ਵੰਡੇ ਗਏ ਸਨ ਅਤੇ ਅੱਜ 1.40 ਲੱਖ ਵੰਡੇ ਗਏ ।
