ਚੇਨਈ, 20 ਫਰਵਰੀ – ਸੁਪਰਸਟਾਰ ਕਮਲ ਹਸਨ ਦੀ ਫ਼ਿਲਮ ਇੰਡੀਅਨ 2 ਦੇ ਸੈੱਟ ਤੇ ਦਰਦਨਾਕ ਹਾਦਸਾ ਵਾਪਰਿਆ ਜਿਸ ਵਿੱਚ ਫ਼ਿਲਮ ਦੇ ਤਿੰਨ ਅਸਿਸਟੈਂਟ ਡਾਇਰੈਕਟਰਾਂ ਦੀ ਮੌਤ ਹੋ ਗਈ ਅਤੇ 9 ਜ਼ਖਮੀ ਹੋ ਗਏ। ਇਹ ਹਾਦਸਾ ਚੇੱਨਈ ਕੋਲ ਈ ਵੀ ਪੀ ਫ਼ਿਲਮ ਸਟੂਡੀਓ ਵਿੱਚ ਵਾਪਰਿਆ।
ਹਾਦਸਾ ਉਸ ਵੇਲੇ ਹੋਇਆ ਜਦੋਂ ਜਿਸ ਕਰੇਨ ਉੱਤੇ ਪੀੜਤ ਬੈਠੇ ਸਨ ਉਹ ਕ੍ਰੈਸ਼ ਹੋ ਗਈ। ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਦੇਰ ਰਾਤ ਕਮਲ ਹਸਨ ਵੀ ਮੌਕੇ ਤੇ ਪਹੁੰਚੇ ਤੇ ਜ਼ਖਮੀਆਂ ਦਾ ਹਾਲ ਚਾਲ ਲਿਆ। ਹਾਦਸੇ ਦੇ ਸਮੇਂ ਇਹ ਸੈੱਟ ਤੇ ਮੌਜੂਦ ਸਨ।
ਹਾਦਸੇ ਵਿੱਚ ਮਧੂ (29) (ਡਾਇਰੈਕਟਰ ਸ਼ੰਕਰ ਦੇ ਪਰਸਨਲ ਡਾਇਰੈਕਟਰ), ਕ੍ਰਿਸ਼ਨਾ (34) (ਅਸਿਸਟੈਂਟ ਡਾਇਰੈਕਟਰ) ਤੇ ਸਟਾਫਰ ਚੰਦਰਨ (60) ਦੀ ਮੌਤ ਹੋ ਗਈ। ਇਸ ਫ਼ਿਲਮ ਨੂੰ ਐੱਸ ਸ਼ੰਕਰ ਡਾਇਰੈਕਟ ਕਰ ਰਹੇ ਹਨ।
