Menu

ਭੋਪਾਲ ਰੇਲਵੇ ਸਟੇਸ਼ਨ ‘ਤੋਂ ਹੇਠ ਡਿੱਗਿਆ ਫੁੱਟਓਵਰ, ਕਈ ਲੋਕ ਜ਼ਖਮੀ

ਭੋਪਾਲ, 13 ਫਰਵਰੀ – ਭੋਪਾਲ ਰੇਲਵੇ ਸਟੇਸ਼ਨ ‘ਤੇ ਵੀਰਵਾਰ ਸਵੇਰੇ ਇਕ ਵੱਡਾ ਹਾਦਸਾ ਹੋ ਗਿਆ ਹੈ। ਇੱਥੇ 2 ਅਤੇ 3 ਨੰਬਰ ਪਲੇਟਫਾਰਮ ਨੂੰ ਜੋੜਨ ਵਾਲਾ ਫੁੱਟਓਵਰ ਬ੍ਰਿਜ ਦਾ ਇਕ ਹਿੱਸਾ ਅਚਾਨਕ ਹੇਠ ਆ ਡਿੱਗਿਆ, ਜਿਸ ਵਿਚ 9 ਲੋਕ ਜ਼ਖ਼ਮੀ ਹੋ ਗਏ। ਘਟਨਾ ਤੋਂ ਬਾਅਦ ਸਟੇਸ਼ਨ ਉਤੇ ਭਗਦੜ ਦੀ ਸਥਿਤੀ ਬਣ ਗਈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਰੇਲਵੇ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਯਾਤਰੀਆਂ ਨੂੰ ਉਥੋਂ ਹਟਾਇਆ।

ਜਖ਼ਮੀਆਂ ਨੂੰ ਰੇਲਵੇ ਦੇ ਹਸਪਤਾਲ ਵਿਚ ਇਲਾਜ ਦੇ ਲਈ ਭੇਜਿਆ ਗਿਆ ਹੈ। ਘਟਨਾ ਵਾਲੇ ਸਟੇਸ਼ਨ ਤੋਂ ਟ੍ਰੇਨਾਂ ਦੀ ਆਵਾਜਾਈ ਰੋਕ ਦਿੱਤੀ ਗਈ ਹੈ। ਘਟਨਾ ਸਮੇਂ ਸਟੇਸ਼ਨ ਉੱਤੇ ਕਾਫ਼ੀ ਲੋਕਾਂ ਦੀ ਭੀੜ ਸੀ। ਇਸਦੇ ਮਲਬੇ ਵਿੱਚ ਕਰੀਬ 5 ਲੋਕਾਂ ਦੇ ਦਬੇ ਹੋਣ ਦਾ ਖ਼ਦਸ਼ਾ ਹੈ। ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀ ਰਾਹਤ – ਬਚਾਅ ਕਾਰਜ ਵਿੱਚ ਜੁਟੇ ਹਨ। ਕੁਝ ਜਖ਼ਮੀਆਂ ਨੂੰ ਨਜਦੀਕੀ ਹਸਪਤਾਲ ਵਿੱਚ ਭਰਤੀ ਕਰਾਇਆ ਗਿਆ ਹੈ। ਘਟਨਾ ਵਿੱਚ ਰੇਲਵੇ ਦੀ ਵੱਡੀ ਲਾਪਰਵਾਹੀ ਸਾਹਮਣੇ ਆ ਰਹੀ ਹੈ।

ਇੱਥੇ ਕੁਝ ਲੋਕਾਂ ਨੇ ਪਹਿਲਾਂ ਇਸ ਗੱਲ ਦੀ ਸੂਚਨਾ ਦਿੱਤੀ ਸੀ ਕਿ ਫੁਟਓਵਰ ਬ੍ਰਿਜ ਬੋਦਾ ਹੋ ਚੁੱਕਿਆ ਹੈ ਲੇਕਿਨ ਇਸ ਵਿੱਚ ਕੋਈ ਸੁਧਾਰ ਨਹੀਂ ਕੀਤਾ ਗਿਆ। ਇਹ ਗੱਲ ਸਾਹਮਣੇ ਆ ਰਹੀ ਹੈ ਕਿ ਯਾਤਰੀ ਇਸ ਬ੍ਰਿਜ ਦੇ ਹੇਠਾਂ ਬੈਠੇ ਸਨ, ਉਦੋਂ ਉਹ ਮਲਬਾ ਹੇਠਾਂ ਡਿਗਿਆ ਅਤੇ ਸਾਰੇ ਚੀਖਣ ਲੱਗੇ। ਇਸਤੋਂ ਬਾਅਦ ਬ੍ਰਿਜ ਤੋਂ ਲੰਘ ਰਹੇ ਲੋਕ ਵੀ ਪਿੱਛੇ ਵੱਲ ਭੱਜੇ ਅਤੇ ਹੇਠਾਂ ਉੱਤਰ ਆਏ।ਸੂਤਰਾਂ ਮੁਤਾਬਕ, ਹਾਦਸਾ 2-3 ਨੰਬਰ ਪਲੇਟਫਾਰਮ ਉੱਤੇ ਹੋਇਆ। ਉਸ ਸਮੇਂ ਤੀਰੁਪਤੀ ਨਿਜਾਮੁੱਦੀਨ ਐਕਸਪ੍ਰੈਸ ਖੜੀ ਹੋਈ ਸੀ। ਫੁਟਓਵਰ ਬ੍ਰਿਜ ਦੇ ਹੇਠਾਂ ਕੁਝ ਸਟਾਲ ਵੀ ਲੱਗੇ ਹੋਏ ਸਨ। ਹਾਦਸੇ ਤੋਂ ਬਾਅਦ ਰੇਲਵੇ ਪ੍ਰਸ਼ਾਸਨ ਨੇ ਆਮ ਮੁਸਾਫਰਾਂ ਲਈ ਐਫਓਬੀ ਨੂੰ ਬੰਦ ਕਰ ਦਿੱਤਾ।

Listen Live

Subscription Radio Punjab Today

Our Facebook

Social Counter

  • 14532 posts
  • 0 comments
  • 0 fans

Log In