ਦੁਬਈ, 26 ਦਸੰਬਰ – ਦੁਬਈ ਵਿੱਚ ਵਾਪਰੇ ਭਿਆਨਕ ਸੜਕ ਹਾਦਸੇ ਵਿੱਚ ਦੋ ਭਾਰਤੀ ਵਿਦਿਆਰਥੀਆਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਰੋਹਿਤ ਕ੍ਰਿਸ਼ਨ ਕੁਮਾਰ (19), ਸ਼ਰਤ ਕੁਮਾਰ (21) ਵਾਸੀ ਕੇਰਲ ਵਜੋਂ ਹੋਈ ਹੈ।ਇਹ ਨੌਜਵਾਨ ਕ੍ਰਿਸਮਸ ਦੀ ਪਾਰਟੀ ਤੋਂ ਵਾਪਸ ਆ ਰਹੇ ਸਨ। ਹਾਦਸੇ ਵਿੱਚ ਦੋਵਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਨ੍ਹਾਂ ਵਿੱਚੋਂ ਕ੍ਰਿਸ਼ਨ ਕੁਮਾਰ ਯੂਕੇ ਵਿੱਚ ਉੱਚ-ਵਿਦਿਆ ਲੈ ਰਿਹਾ ਸੀ ਜਦਕਿ ਸ਼ਰਤ ਕੁਮਾਰ ਅਮਰੀਕਾ ਦੀ ਯੂਨੀਵਰਸਿਟੀ ਵਿੱਚ ਪੜ੍ਹਦਾ ਸੀ। ਦੋਵੇਂ ਜਣੇ ਦੁਬਈ ਵਿੱਚ ਛੁੱਟੀਆਂ ਕਰਕੇ ਆਏ ਹੋਏ ਸਨ।