ਮਹਾਰਾਸ਼ਟਰ : ਊਧਵ ਠਾਕਰੇ ਨੇ ਵਿਧਾਨ ਸਭਾ ‘ਚ ਹਾਸਲ ਕੀਤਾ ਬਹੁਮਤ

ਮੁੰਬਈ, 30 ਨਵੰਬਰ- ਮਹਾਰਾਸ਼ਟਰ ਵਿਧਾਨ ਸਭਾ ‘ਚ ਊਧਵ ਠਾਕਰੇ ਦੀ ਅਗਵਾਈ ਵਾਲੀ ‘ਮਹਾ ਵਿਕਾਸ ਆਘਾੜੀ’ ਭਾਵ ਕਿ ਸ਼ਿਵ ਸੈਨਾ- ਐੱਨ. ਸੀ. ਪੀ.-ਕਾਂਗਰਸ ਦੇ ਗਠਜੋੜ ਦੀ ਸਰਕਾਰ ਨੇ ਬਹੁਮਤ ਸਾਬਤ ਕਰ ਦਿੱਤਾ ਹੈ। 2 ਵਜੇ ਸ਼ੁਰੂ ਹੋਈ ਕਾਰਵਾਈ ‘ਚ ਵਿਰੋਧੀ ਧਿਰ ਦੇ ਭਾਰੀ ਹੰਗਾਮੇ ਅਤੇ ਸਦਨ ‘ਚੋਂ ਭਾਜਪਾ ਦੇ ਵਾਕ ਆਊਟ ਵਿਚਾਲੇ ਠਾਕਰੇ ਨੇ ਸਦਨ ‘ਚ ਬਹੁਮਤ ਸਾਬਤ ਕੀਤਾ। 169 ਵਿਧਾਇਕਾਂ ਨੇ ਸਰਕਾਰ ਦੇ ਪੱਖ ‘ਚ ਵੋਟਾਂ ਪਾਈਆਂ, ਜਦਕਿ ਚਾਰ ਵਿਧਾਇਕਾਂ ਨੇ ਕਿਸੇ ਦੇ ਹੱਕ ‘ਚ ਵੀ ਵੋਟ ਨਹੀਂ ਦਿੱਤੀ।