ਪੱਛਮੀ ਬੰਗਾਲ ਵਿਧਾਨ ਸਭਾ ਉਪ ਚੋਣਾਂ : ਮਮਤਾ ਬੈਨਰਜੀ ਦੀ ਵੱਡੀ ਜਿੱਤ

ਨਵੀਂ ਦਿੱਲੀ, 28 ਨਵੰਬਰ – ਪੱਛਮੀ ਬੰਗਾਲ ਵਿਧਾਨ ਸਭਾ ਉਪ ਚੋਣਾਂ ਵਿਚ ਤ੍ਰਿਣਮੂਲ ਕਾਂਗਰਸ ਨੇ ਤਿੰਨੋਂ ਸੀਟਾਂ ਕਰੀਮਪੁਰ, ਖੜਗਪੁਰ ਸਦਰ ਤੇ ਕਲਿਆਗੰਜ ਜਿੱਤ ਲਈਆਂ ਹਨ। ਇਨ੍ਹਾਂ ਵਿਚੋਂ ਦੋ ਸੀਟਾਂ ਅਜਿਹੀਆਂ ਹਨ ਜਿਨ੍ਹਾਂ ‘ਤੇ ਟੀ.ਐਮ.ਸੀ. ਪਿਛਲੇ 20 ਸਾਲਾਂ ਤੋਂ ਜਿੱਤ ਹਾਸਲ ਨਹੀਂ ਕਰ ਸਕੀ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਹਾ ਕਿ ਭਾਜਪਾ ਆਪਣੇ ਅਹੰਕਾਰ ਦਾ ਨਤੀਜਾ ਭੁਗਤ ਰਹੀ ਹੈ। ਅਹੰਕਾਰ ਦੀ ਸਿਆਸਤ ਨਹੀਂ ਚੱਲੇਗੀ। ਲੋਕਾਂ ਨੇ ਭਾਜਪਾ ਨੂੰ ਠੁਕਰਾ ਦਿੱਤਾ ਹੈ। ਟੀ.ਐਮ.ਸੀ. ਨੇ ਖੜਗਪੁਰ ਸਦਰ ਤੇ ਕਲਿਆਗੰਜ ਸੀਟਾਂ ‘ਤੇ ਕਈ ਸਾਲਾਂ ਬਾਅਦ ਜਿੱਤ ਹਾਸਲ ਕੀਤੀ ਹੈ।