ਅਬੋਹਰ, 22 ਨਵੰਬਰ – ਨਵੀਂ ਆਬਾਦੀ ਦੇ ਫਾਇਨੈਂਸਰ ਬਲਜਿੰਦਰ ਸਿੰਘ ਦੇ ਲਾਪਤਾ 12 ਸਾਲਾ ਬੇਟੇ ਦੀ ਲਾਸ਼ ਮਿਲਣ ਤੋਂ ਬਾਅਦ ਇਸ ਮਾਮਲੇ ਨੇ ਪੁਲਿਸ ਦੇ ਦਾਅਵਿਆਂ ਦੀ ਪੋਲ ਖੋਲ੍ਹ ਦਿੱਤੀ ਹੈ। ਮਿਲੀ ਸੂਚਨਾ ਮੁਤਾਬਿਕ ਅਰਮਾਨ ਸੰਧੂ ਨੂੰ 17 ਨਵੰਬਰ ਨੂੰ ਫਿਰੌਤੀ ਲੈਣ ਦੀ ਨੀਅਤ ਨਾਲ ਦੋ ਜਣਿਆ ਨੇ ਅਗਵਾ ਕੀਤਾ ਸੀ। ਹਾਲਾਂਕਿ ਚਾਰ ਦਿਨ ਤੱਕ ਜ਼ਿਲ੍ਹੇ ਦੇ ਐੱਸ ਪੀ (ਡੀ) ਇਹ ਦਾਅਵਾ ਕਰਦੇ ਰਹੇ ਕਿ ਅਰਮਾਨ ਸੁਰੱਖਿਅਤ ਹੈ ਅਤੇ ਪੁਲਿਸ ਉਸ ਨੂੰ ਸੁਰੱਖਿਅਤ ਘਰ ਵਾਪਸ ਲਿਆਉਣ ਲਈ ਸਰਗਰਮ ਹੈ ਪਰੰਤੂ ਪੁਲਿਸ ਦੇ ਦਾਅਵੇ ਖੋਖਲੇ ਨਿਕਲੇ ਅੱਜ 35 ਦਿਨਾਂ ਬਾਅਦ ਮਲੋਟ ਰੋਡ ‘ਤੇ ਅਲਪਾਈਨ ਸਕੂਲ ਦੇ ਕੋਲੋਂ ਲਾਸ਼ ਬਰਾਮਦ ਹੋਣ ਤੋਂ ਬਾਅਦ ਸ਼ਹਿਰ ਵਿਚ ਦਹਿਸ਼ਤ ਪੈਦਾ ਹੋ ਗਈ ਹੈ।