ਖੰਨਾ ਪੁਲਿਸ ਨੇ 3 ਪਿਸਤੌਲਾਂ, 1 ਰਾਈਫ਼ਲ, ਗੋਲੀਆਂ, ਹੋਰ ਹਥਿਆਰਾਂ ਅਤੇ 266 ਗ੍ਰਾਮ ਹੈਰੋਇਨ ਸਣੇ 4 ਗੈਂਗਸਟਰਾਂ ਅਤੇ ਤਸਕਰਾਂ ਨੂੰ ਕਾਬੂ ਕੀਤਾ ਹੈ। ਇਹ ਜਾਣਕਾਰੀ ਅੱਜ ਸ਼ੁੱਕਰਵਾਰ ਨੂੰ ਇੱਥੇ ਲੁਧਿਆਣਾ ਦੇ ਡੀ. ਆਈ. ਜੀ. ਰਣਬੀਰ ਸਿੰਘ ਖੱਟੜਾ ਨੇ ਦਿੱਤੀ। ਇਸ ਮੌਕੇ ਐੱਸ. ਐੱਸ. ਪੀ. ਗੁਰਸ਼ਰਦੀਪ ਸਿੰਘ ਗਰੇਵਾਲ, ਐੱਸ. ਪੀ. ਜਗਵਿੰਦਰ ਸਿੰਘ ਚੀਮਾ ਵੀ ਹਾਜ਼ਰ ਸਨ। ਉਨ੍ਹਾਂ ਦੱਸਿਆ ਕਿ ਫੜੇ ਗਏ ਵਿਅਕਤੀਆਂ ‘ਚ ਸੁਖਵਿੰਦਰ ਸਿੰਘ ਬਾਕਸਰ, ਜਸਦੀਪ ਸਿੰਘ ਕੋਕੀ, ਵਿਸ਼ਾਲ ਕੁਮਾਰ ਕਾਕਾ ਅਤੇ ਇਕਬਾਲਪ੍ਰੀਤ ਸਿੰਘ ਸ਼ਾਮਲ ਹਨ, ਜਦੋਂ ਕਿ ਬਹਾਦਰ ਸਿੰਘ ਲੱਖਾ ਅਤੇ ਰਮਨਦੀਪ ਸਿੰਘ ਸਿੱਧੂ ਦੀ ਪੁਲਿਸ ਵਲੋਂ ਭਾਲ ਕੀਤੀ ਜਾ ਰਹੀ ਹੈ।