ਕੋਆਪਰੇਟਿਵ ਬੈਂਕ ਘੋਟਾਲਾ : 27 ਸਤੰਬਰ ਨੂੰ ਈ. ਡੀ ਸਾਹਮਣੇ ਪੇਸ਼ ਹੋਣਗੇ ਸ਼ਰਦ ਪਵਾਰ

ਮਹਾਰਾਸ਼ਟਰ ਸਟੇਟ ਕੋਆਪਰੇਟਿਵ ਬੈਂਕ ਘੋਟਾਲੇ ‘ਚ ਨਾਂ ਆਉਣ ਤੋਂ ਬਾਅਦ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐੱਨ. ਸੀ. ਪੀ.) ਦੇ ਮੁਖੀ ਸ਼ਰਦ ਪਵਾਰ ਨੇ ਮੀਡੀਆ ਦੇ ਸਾਹਮਣੇ ਸਫ਼ਾਈ ਦਿੱਤੀ। ਸ਼ਰਦ ਪਵਾਰ ਨੇ ਕਿਹਾ ਕਿ ਬੈਂਕ ਘੋਟਾਲੇ ‘ਚ ਮੇਰਾ ਨਾਂ ਈ. ਸੀ. ਆਈ. ਆਰ. ‘ਚ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਉਹ ਏਜੰਸੀਆਂ ਦੀ ਜਾਂਚ ‘ਚ ਸਹਿਯੋਗ ਕਰਨਗੇ। ਪਵਾਰ ਮੁਤਾਬਕ ਸ਼ੁੱਕਰਵਾਰ ਭਾਵ ਕਿ 27 ਸਤੰਬਰ ਨੂੰ ਉਹ ਖ਼ੁਦ ਇਨਫੋਰਸਮੈਂਟ ਡਾਇਰੈਕਟੋਰੇਟ  ਦੇ ਦਫ਼ਤਰ ‘ਚ ਜਾਣਗੇ ਅਤੇ ਕੇਸ ਨਾਲ ਸੰਬੰਧਿਤ ਜਿਹੜੀ ਜਾਣਕਾਰੀ ਉਨ੍ਹਾਂ ਕੋਲ ਉਪਲਬਧ ਹੈ, ਉਹ ਸਾਰੀ ਜਾਣਕਾਰੀ ਦੇਣਗੇ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਸੰਵਿਧਾਨ ‘ਤੇ ਪੂਰਾ ਭਰੋਸਾ ਹੈ।