ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਐੱਸ ਐੱਮ ਕ੍ਰਿਸ਼ਨਾ ਦੇ ਜਵਾਈ ਤੇ ਕੈਫ਼ੇ ਕੌਫ਼ੀ ਡੇ ਦੇ ਮਾਲਕ ਵੀਜੀ ਸਿਧਾਰਥ ਸੋਮਵਾਰ ਸ਼ਾਮ ਤੋਂ ਲਾਪਤਾ ਹਨ। ਉਨ੍ਹਾਂ ਦੀ ਆਖ਼ਰੀ ਲੋਕੇਸ਼ਨ ਮੈਂਗਲੋਰ ਕੋਲ ਨੇਤ੍ਰਾਵਤੀ ਨਦੀ ਉੱਤੇ ਬਣੇ ਉੱਲਾਲ ਪੁਲ ਦੀ ਸੀ। ਪੁਲਿਸ ਹੈਲੀਕਾਪਟਰ ਤੇ ਕੋਸਟ ਗਾਰਡ ਦੀ ਸਹਾਇਤਾ ਨਾਲ ਉਨ੍ਹਾਂ ਦੀ ਤਲਾਸ਼ ਕਰ ਰਹੀ ਹੈ।
ਉਨ੍ਹਾਂ ਦੇ ਡਰਾਈਵਰ ਦੇ ਬਿਆਨ ਮੁਤਾਬਿਕ ਵੀਜੀ ਨੇ ਆਤਮਹੱਤਿਆ ਕੀਤੀ ਹੈ। ਉਨ੍ਹਾਂ ਦੀ ਇੱਕ ਚਿੱਠੀ ਵੀ ਮਿਲੀ ਹੈ ਜਿਸ ਵਿੱਚ ਇਹ ਲਿਖਿਆ ਹੈ ਕਿ ‘ਉਮੀਦ ਕਰਦਾ ਹਾਂ ਕਿ ਤੁਸੀਂ ਮੈਨੂੰ ਮਾਫ਼ ਕਰ ਦਿਓਗੇ।”
ਇਸ ਖ਼ਬਰ ਤੋਂ ਬਾਅਦ BSE ਤੇ CCD ਦੇ ਸ਼ੇਅਰ 20 ਫ਼ੀਸਦੀ ਤੱਕ ਡਿਗ ਪਏ ਹਨ ਤੇ 52 ਹਫ਼ਤਿਆਂ ਵਿੱਚ ਸਭ ਤੋਂ ਥੱਲੇ 154.05 ਰੁਪਏ ਤੱਕ ਪਹੁੰਚ ਗਏ ਹਨ। ਸਟਾਕ ‘ਚ ਘਾਟੇ ਤੋਂ ਬਾਅਦ ਇੱਕ ਝਟਕੇ ਚ ਹੀ ਨਿਵੇਸ਼ਕਾਂ ਦੇ 813.32 ਕਰੋੜ ਰੁਪਏ ਡੁੱਬ ਗਏ।
