ਅਫ਼ਗ਼ਾਨਿਸਤਾਨ ‘ਚ ਆਤਮਘਾਤੀ ਬੰਬ ਧਮਾਕਾ, 4 ਸੁਰੱਖਿਆ ਕਰਮਾਚੀਆਂ ਦੀ ਮੌਤ

ਅਫ਼ਗ਼ਾਨਿਸਤਾਨ ਦੇ ਗਜਨੀ ਸੂਬੇ ‘ਚ ਇੱਕ ਕਾਰ ਬੰਬ ਧਮਾਕੇ ‘ਚ ਅਫ਼ਗ਼ਾਨ ਸੁਰੱਖਿਆ ਬਲਾਂ ਦੇ ਘੱਟੋ-ਘੱਟ 4 ਮੈਂਬਰ ਮਾਰੇ ਗਏ ਅਤੇ 20 ਹੋਰ ਜ਼ਖ਼ਮੀ ਹੋ ਗਏ। ਇਸ ਸੰਬੰਧੀ ਗਜਨੀ ਪੁਲਿਸ ਦੇ ਮੁਖੀ ਖ਼ਾਲਿਦ ਵਰਦਕ ਨੇ ਦੱਸਿਆ ਕਿ ਧਮਾਕਾ ਗਜਨੀ ਦੇ ਅਬ ਬੈਂਡ ਜ਼ਿਲ੍ਹੇ ‘ਚ ਸ਼ੁੱਕਰਵਾਰ ਤੜਕੇ 4.30 ਵਜੇ ਹੋਇਆ। ਇੱਥੇ ਇੱਕ ਆਤਮਘਾਤੀ ਹਮਲਾਵਰ ਨੇ ਜ਼ਿਲ੍ਹਾ ਭਵਨ ਦੇ ਪਹਿਲੇ ਗੇਟ ਨੇੜੇ ਧਮਾਕਾਖ਼ੇਜ਼ ਸਮਗਰੀ ਨਾਲ ਭਰੀ ਇੱਕ ਕਾਰ ‘ਚ ਧਮਾਕਾ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਇਹ ਧਮਾਕਾ ਜ਼ਿਲ੍ਹਾ ਗਵਰਨਰ ਦੀ ਇਮਾਰਤ ਨੂੰ ਨਿਸ਼ਾਨਾ ਬਣਾ ਕੇ ਕੀਤਾ ਗਿਆ ਸੀ। ਅਫ਼ਗ਼ਾਨਿਸਤਾਨ ਦੀਆਂ ਮੀਡੀਆ ਰਿਪੋਰਟਾਂ ਮੁਤਾਬਕ ਤਾਲਿਬਾਨ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।