ਭਾਰਤੀ ਰਿਜ਼ਰਵ ਬੈਂਕ ਦੇ ਡਿਪਟੀ ਗਵਰਨਰ ਵਿਰਲ ਅਚਾਰੀਆ ਨੇ ਆਪਣਾ ਕਾਰਜਕਾਲ ਖ਼ਤਮ ਹੋਣ ਤੋਂ 6 ਮਹੀਨੇ ਪਹਿਲਾਂ ਹੀ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ।
ਵਿਰਲ ਅਚਾਰਿਆ 23 ਜਨਵਰੀ 2017 ਨੂੰ ਆਰਬੀਆਈ ਦੇ ਡਿਪਟੀ ਗਵਰਨਰ ਬਣੇ ਸਨ। ਇਸ ਅਹੁਦੇ ‘ਤੇ ਉਨ੍ਹਾਂ ਦਾ ਕਰਜਕਾਲ 3 ਸਾਲ ਲਈ ਸੀ। ਖ਼ਬਰਾਂ ਮੁਤਾਬਕ ਅਚਾਰੀਆ ਨੇ ਨਿੱਜੀ ਕਾਰਨਾਂ ਕਾਰਨ ਆਰਬੀਆਈ ਦੇ ਡਿਪਟੀ ਅਹੁਦੇ ਤੋਂ ਅਸਤੀਫ਼ਾ ਦਿੱਤਾ ਹੈ।ਹਾਲਾਂਕਿ ਆਰਬੀਆਈ ਨੇ ਹਾਲੇ ਤਕ ਨਾ ਤਾਂ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ ਅਤੇ ਨੇ ਹੀ ਇਸ ਤੋਂ ਇਨਕਾਰਕੀਤਾ ਹੈ।ਵਿਰਲ ਅਚਾਰੀਆ ਆਰਥਿਕ ਉਦਾਰੀਕਰਨ ਤੋਂ ਬਾਅਦ ਭਾਰਤੀ ਰਿਜ਼ਰਵ ਬੈਂਕ ਦੇ ਸਭ ਤੋਂ ਘੱਟ ਉਮਰ ਦੇ ਡਿਪਟੀ ਗਵਰਨਰ ਰਹੇ ਹਨ। ਉਨ੍ਹਾਂ ਨੇ ਅਗਲੇ ਸਾਲ ਫਰਵਰੀ ‘ਚ ਨਿਊਯਾਰਕ ਯੂਨੀਵਰਸਿਟੀ ਆਫ਼ ਬਿਜਨਸ ‘ਚ ਬਤੌਰ ਸੀਵੀ ਸਟਾਰ ਪ੍ਰੋਫੈਸਰ ਆਫ਼ ਇਕਨਾਮਿਕਸ ਜੁਆਇਨ ਕਰਨਾ ਸੀ।ਬਿਜਨਸ ਸਟੈਂਡਰਡ ਅਨੁਸਾਰ ਉਹ ਹੁਣ ਇਸ ਸਾਲ ਅਗਸਤ ਮਹੀਨੇ ਹੀ ਉੱਥੇ ਜੁਆਇਨ ਕਰਨ ਜਾ ਰਹੇ ਹਨ।