ਚੀਨ ਵਿਚ ਆਇਆ 6.0 ਤੀਬਰਤਾ ਦਾ ਭੂਚਾਲ,11 ਲੋਕਾਂ ਦੀ ਮੌਤ ,122 ਜ਼ਖਮੀ

ਚੀਨ ਦੇ ਸਿਚੁਆਨ ਪ੍ਰਾਂਤ ਵਿਚ ਸੋਮਵਾਰ ਰਾਤ ਅਤੇ ਮੰਗਲਵਾਰ ਸਵੇਰੇ ਆਏ ਭੂਚਾਲ ਦੇ ਦੋ ਵੱਡੇ ਝਟਕਿਆਂ ਨਾਲ 11 ਲੋਕਾਂ ਦੀ ਮੌਤ ਹੋ ਗਈ ਅਤੇ ਲਗਭਗ 122 ਜ਼ਖ਼ਮੀ ਹੋ ਗਏ ਹਨ। ਚੀਨੀ ਭੂਚਾਲ ਕੇਂਦਰ ਅਨੁਸਾਰ ਰਿਕਟਰ ਪੈਮਾਨੇ ‘ਤੇ 6.0 ਦੀ ਤੀਬਰਤਾ ਦਾ ਪਹਿਲਾ ਭੂਚਾਲ ਸੋਮਵਾਰ ਰਾਤ ਸਥਾਨਕ ਸਮਿਆਨੁਸਾਰ 10 ਵਜ ਕੇ 55 ਮਿੰਟ ‘ਤੇ ਈਬਿਨ ਸ਼ਹਿਰ ਦੇ ਚਾਂਗਿੰਗ ਇਲਾਕੇ ਵਿਚ ਆਇਆ।ਮੰਗਲਵਾਰ ਸਵੇਰੇ ਰਿਕਟਰ ਪੈਮਾਨੇ ‘ਤੇ 5.3 ਦੀ ਤੀਬਰਤਾ ਦਾ ਦੂਜਾ ਝਟਕਾ ਮਹਿਸੂਸ ਕੀਤਾ ਗਿਆ । ਸ਼ੁਆਂਓ ਕਸਬੇ ਵਿਚ ਚਾਰ ਲੋਕਾਂ ਨੂੰ ਮਲਬੇ ਚੋਂ ਕੱਢ ਕੇ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਈਬਿਨ ਵਿਚ ਲੋਕਾਂ ਨੇ ਦਸਿਆ ਕਿ ਭੂਚਾਲ ਦੇ ਅੱਧੇ ਘੰਟੇ ਬਾਅਦ ਭੂਚਾਲ ਦੇ ਫਿਰ ਤੋਂ ਝਟਕੇ ਮਹਿਸੂਸ ਕੀਤੇ ਗਏ।