ਗੁਜਰਾਤ ਵੱਲ ਵਧ ਰਿਹਾ ਹੈ ਚੱਕਰਵਾਤੀ ਤੂਫ਼ਾਨ ‘ਵਾਯੂ’

ਲਕਸ਼ਦੀਪ ਟਾਪੂ ਸਮੂਹ ਦੇ ਨੇੜੇ ਅਰਬ ਸਾਗਰ ‘ਤੇ ਬਣੇ ਚੱਕਰਵਾਤੀ ਤੂਫ਼ਾਨ ‘ਵਾਯੂ’ ਰਫ਼ਤਾਰ ਵਧਣ ਲੱਗੀ ਹੈ। ਇਸ ਤੂਫ਼ਾਨ ਦੇ 13 ਜੂਨ ਤੱਕ ਗੰਭੀਰ ਚੱਕਰਵਾਤੀ ਤੂਫ਼ਾਨ ‘ਚ ਤਬਦੀਲ ਹੋਣ ਦੀ ਸੰਭਾਵਨਾ ਹੈ। ਇਹ ਉੱਤਰ-ਪੱਛਮ ਵੱਲ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਮੌਸਮ ਵਿਭਾਗ ਦੀ ਮੰਨੀਏ ਤਾਂ ਇਸ ਤੂਫ਼ਾਨ ਕਾਰਨ ਦੇਸ਼ ਦੇ ਪੱਛਮੀ ਤੱਟਾਂ ‘ਤੇ ਭਾਰੀ ਮੀਂਹ ਪੈ ਸਕਦਾ ਹੈ। ਵਿਭਾਗ ਮੁਤਾਬਕ 13 ਜੂਨ ਦੀ ਸਵੇਰ ਨੂੰ ‘ਵਾਯੂ’ ਗੁਜਰਾਤ ਦੇ ਪੋਰਬੰਦਰ ਅਤੇ ਮਹੁਬਾ ਇਲਾਕਿਆਂ ਤੋਂ ਗੁਜ਼ਰੇਗਾ ਅਤੇ ਇਸੇ ਵੇਲੇ ਇਸ ਦੀ ਰਫ਼ਤਾਰ 110-120 ਕਿਲੋਮੀਟਰ ਤੋਂ 135-140 ਕਿਲੋਮੀਟਰ ਪ੍ਰਤੀ ਘੰਟੇ ਰਹਿ ਸਕਦੀ ਹੈ।