ਅੱਜ ਅਦਾਲਤ ਨੇ ਜਦੋਂ ਚਟੋਪਾਧਿਆਏ ਨੂੰ ਪੁੱਛਿਆ ਕਿ ਉਹ ਐਸਆਈਟੀ ਮੁਖੀ ਦੇ ਅਹੁਦੇ ਤੋਂ ਹਟਣਾ ਚਾਹੁੰਦੇ ਹਨ ਤਾਂ ਚਟੋਪਾਧਿਆਏ ਨੇ ਇਸ ਤੇ ਸਹਿਮਤੀ ਜਤਾਈ। ਇਸ ਤੋਂ ਪਿਛਲੀ ਸੁਣਵਾਈ ਵਿੱਚ ਚਟੋਪਾਧਿਆਏ ਨੇ ਅਦਾਲਤ ਨੂੰ ਕਿਹਾ ਸੀ ਕਿ ਸਰਕਾਰ ਨੇ ਕੋਈ ਇਨਫ੍ਰਾਸਟੱਕਚਰ ਨਹੀਂ ਦਿੱਤਾ। ਜਿਸ ਕਰਕੇ ਉਹ ਜਾਂਚ ਨਹੀਂ ਕਰ ਪਾ ਰਹੇ। ਨਾਲ ਹੀ ਇਸ ਕੇਸ ਤੋਂ ਵੱਖ ਹੋਣ ਦੀ ਵੀ ਗੱਲ ਕਹੀ ਸੀ।
ਮੁਅੱਤਲ ਆਈਜੀ ਪਰਮਰਾਜ ਸਿੰਘ ਉਮਰਾਨੰਗਲ ਖਿਲਾਫ ਫਰਜ਼ੀ ਐਨਕਾਊਂਟ ਦੇ ਮਾਮਲੇ ਵਿੱਚ ਜਾਂਚ ਹੁਣ ਨਵੀਂ ਵਿਸ਼ੇਸ਼ ਜਾਂਚ ਟੀਮ ਕਰੇਗੀ। ਪੰਜਾਬ-ਹਰਿਆਣਾ ਹਾਈਕੋਰਟ ਨੇ ਨਵੀਂ ਐਸਆਈਟੀ ਦੇ ਗਠਨ ਦੇ ਹੁਕਮ ਦਿੱਤੇ ਹਨ। ਡੀਜੀਪੀ ਸਿਧਾਰਥ ਚਟੋਪਾਧਿਆਏ ਇਸ ਮਾਮਲੇ ਤੋਂ ਵੱਖ ਹੋ ਗਏ ਹਨ। ਮਾਮਲੇ ਵਿੱਚ ਪੰਜਾਬ ਸਰਕਾਰ ਨੇ ਵੀ ਆਪਣਾ ਜਵਾਬ ਦਾਖਲ ਕੀਤਾ ਹੈ।