ਅਮਰੀਕਾ ਦੇ ਦੱਖਣੀ ਕੈਲੀਫੋਰਨੀਆ ਵਿਚ ਅੱਜ ਇੱਕ ਐੱਫ-16 ਫਾਈਟਰ ਜੈੱਟ ਹਾਦਸਾਗ੍ਰਸਤ ਹੋ ਗਿਆ ਹੈ।ਇਹ ਹਾਦਸਾ ਸਥਾਨਕ ਸਮੇਂ ਮੁਤਾਬਕ ਦੁਪਹਿਰ 3:30 ‘ਤੇ ਵਾਪਰਿਆ ਹੈ।ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਪਾਇਲਟ ਨਿਯਮਿਤ ਸਿਖਲਾਈ ਦੇ ਬਾਅਦ ਲੈਂਡਿੰਗ ਕਰ ਰਿਹਾ ਸੀ।ਜਾਣਕਾਰੀ ਅਨੁਸਾਰ ਐੱਫ-16 ਫਾਈਟਰ ਜੈੱਟ ਰੂਟੀਨ ਟਰੇਨਿੰਗ ਅਭਿਆਸ ‘ਤੇ ਸੀ।ਇਹ ਮਾਰਚ ਏਅਰ ਰਿਜ਼ਰਵ ਬੇਸ ਨੇੜੇ ਸਥਿਤ ਇਕ ਗੋਦਾਮ ਵਿਚ ਜਾ ਕੇ ਕਰੈਸ਼ ਹੋ ਗਿਆ ਹੈ ,ਇਸ ਨਾਲ ਗੋਦਾਮ ਨੂੰ ਮਾਮੂਲੀ ਨੁਕਸਾਨ ਪਹੁੰਚਿਆ ਹੈ।ਇਸ ਦੌਰਾਨ ਪਾਇਲਟ ਸੁਰੱਖਿਅਤ ਬਾਹਰ ਨਿਕਲਣ ਵਿਚ ਸਫਲ ਰਿਹਾ ਹੈ।ਇਸ ਹਾਦਸੇ ਨਾਲ ਲਾਸ ਏਂਜਲਸ ਤੋਂ ਕਰੀਬ 105 ਕਿਲੋਮੀਟਰ ਪੂਰਬ ਵਿਚ ਇਮਾਰਤ ਦੇ ਅੰਦਰ ਛੱਤ ‘ਤੇ ਇਕ ਵੱਡਾ ਛੇਦ ਹੋ ਗਿਆ ਹੈ।ਜਹਾਜ਼ ਦਾ ਪਿਛਲਾ ਹਿੱਸਾ ਮੁੜਿਆ ਹੋਇਆ ਅਤੇ ਗਤੇ ਦੇ ਬਕਸੇ ਦਾ ਢੇਰ ਦਿਖਾਈ ਦੇ ਰਿਹਾ ਹੈ।