ਬਾਘਾਪੁਰਾਣਾ – ਇੱਥੋਂ ਨੇੜਲੇ ਪਿੰਡ ਰਾਜੇਆਣਾ ਵਿਖੇ ਇਕ ਪੈਟਰੋਲ ਪੰਪ ਦੇ ਕਰਿੰਦੇ ਨੂੰ ਗੋਲੀ ਮਾਰ ਕੇ ਦਿਨ ਦਿਹਾੜੇ ਕਤਲ ਕਰਨ ਵਾਲੇ ਦੋ ਮੋਟਰ ਸਾਈਕਲ ਸਵਾਰਾਂ ਨੂੰ ਪੁਲਸ ਨੇ ਗਿ੍ਰਫਤਾਰ ਕਰ ਲਿਆ ਹੈ। ਮੁਲਜਮ ਦੇ ਇਕ ਵਿਆਹੁਤਾ ਨਾਲ ਪ੍ਰੇਮ ਸਬੰਧ ਸਨ ਜਿਸ ਦੀ ਰੰਜਿਸ ਦੇ ਚੱਲਦਿਆਂ ਕਰਿੰਦੇ ਦਾ ਬੀਤੇ ਮੰਗਲਵਾਰ ਦਿਨ ਦਿਹਾੜੇ ਕਤਲ ਕਰ ਦਿੱਤਾ ਗਿਆ ਸੀ। ਜ਼ਿਲਾ ਪੁਲਸ ਮੁਖੀ ਅਮਰਜੀਤ ਸਿੰਘ ਬਾਜਵਾ ਨੇ ਦੱਸਿਆ ਕਿ ਕਰਿੰਦਾ ਗੁਰਮੀਤ ਸਿੰਘ ਪਟਰੋਲ ਪੰਪ ਤੇ ਕੁਰਸੀ ਤੇ ਬੈਠਾ ਸੀ। ਇਸ ਦੌਰਾਨ ਦੋ ਮੋਟਰ ਸਾਈਕਲ ਸਵਾਰ ਨੌਜਵਾਲ ਉਥੇ ਆਏ ਅਤੇ ਉਨਾਂ ਵਿਚੋਂ ਇਕ ਨੇ ਕਰਿੰਦੇ ਗੁਰਮੀਤ ਸਿੰਘ ਦੇ ਸਿਰ ਤੋਂ ਗੋਲੀ ਮਾਰ ਦਿੱਤੀ। ਕਰਿੰਦੇ ਨੂੰ ਤੁਰੰਤ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਫਰੀਦਕੋਟ ਵਿਖੇ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਮੌਤ ਹੋ ਗਈ, ਮੁਲਜਮ ਵਾਰਦਾਤ ਕਰਨ ਉਪਰੰਤ ਮਿ੍ਰਤਕ ਦਾ ਮੋਬਾਇਲ ਅਤੇ ਸਨਾਖ਼ਤੀ ਕਾਰਡ ਖੋਹ ਕੇ ਫਰਾਰ ਹੋ ਗਏ।
ਪੁਲਸ ਅਨੁਸਾਰ ਦੋਸ਼ੀਆਂ ਦੀ ਪਹਿਚਾਣ ਕੁਲਵੰਤ ਸਿੰਘ ਪੁੱਤਰ ਕੇਵਲ ਸਿੰਘ ਅਤੇ ਹਰਭਜ਼ਨ ਸਿੰਘ ਪੁੱਤਰ ਮੰਦਰ ਸਿੰਘ ਦੋਵੇਂ ਵਾਸੀ ਜਵਾਹਰ ਸਿੰਘ ਵਾਲਾ ਥਾਣਾ ਨਿਹਾਲ ਸਿੰਘ ਵਾਲਾ ਹੋਈ ਇੰਨਾਂ ਨੂੰ ਪੁਲਸ ਨੇ ਇਕ ਵਿਸ਼ੇਸ਼ ਨਾਕਾਬੰਦੀ ਦੇ ਦੌਰਾਨ ਗਿ੍ਰਫਤਾਰ ਕੀਤਾ ਹੈ। ਮੁਲਜਮਾਂ ਕੋਲੋਂ ਵਾਰਦਾਤ ਲਈ ਵਰਤਿਆ 32 ਬੋਰ ਦੇਸ਼ੀ ਪਿਸਤੌਲ ਅਤੇ ਦੋ ਕਾਰਤੂਸ, ਮੋਟਰ ਸਾਈਕਲ ਅਤੇ ਮਿ੍ਰਤਕ ਦਾ ਪਹਿਚਾਣ ਪੱਤਰ ਬਰਾਮਦ ਕਰ ਲਿਆ ਹੈ। ਐਸ.ਐਸ.ਪੀ ਨੇ ਦੱਸਿਆ ਕਿ ਕੁਲਵੰਤ ਸਿੰਘ ਅਤੇ ਹਰਭਜ਼ਨ ਸਿੰਘ ਨੇ ਮਿਲ ਕੇ ਕਤਲ ਦੀ ਯੋਜਨਾ ਬਣਾਈ ਸੀ, ਕਿਉਂਕਿ ਪਿੰਡ ਜਵਾਹਰ ਸਿੰਘ ਵਾਲਾ ਨਿਵਾਸੀ ਿੲਕ ਔਰਤ ਦੇ ਨਾਲ ਇਸੇ ਪਿੰਡ ਦੇ ਨਿਵਾਸੀ 45 ਸਾਲਾ ਕੁਲਵੰਤ ਸਿੰਘ ਦੇ ਨਜਾਇਜ਼ ਸਬੰਧ ਸਨ। ਪਿਛਲੇ 3-4 ਮਹੀਨਿਆਂ ਤੋਂ ਔਰਤ ਦੇ ਰਿਸਤੇਦਾਰ ਗੁਰਮੀਤ ਸਿੰਘ ਦੇ ਵੀ ਸਬੰਧ ਬਣ ਗਏ ਸਨ। 30 ਸਾਲਾਂ ਗੁਰਮੀਤ ਸਿੰਘ ਦਾ ਆਪਣੀ ਪਤਨੀ ਨਾਲ ਤਲਾਕ ਹੋ ਚੁੱਕਾ ਹੈ। ਔਰਤ ਦੇ ਗੁਰਮੀਤ ਸਿੰਘ ਨਾਲ ਸਬੰਧ ਬਣ ਜਾਣ ਕਾਰਨ ਔਰਤ ਦਾ ਵਿਵਹਾਰ ਕੁਲਵੰਤ ਸਿੰਘ ਨਾਲ ਪਹਿਲਾਂ ਵਰਗਾ ਨਹੀਂ ਰਿਹਾ ਸੀ, ਜਿਸ ਲਈ ਉਸਨੇ ਗੁਰਮੀਤ ਸਿੰਘ ਨੂੰ ਜਿੰਮੇਵਾਰ ਮੰਨ ਲਿਆ ਆਪਣੇ ਹੋਰ ਸਾਥੀ ਹਰਭਜਨ ਸਿੰਘ ਨਾਲ ਮਿਲ ਕੇ ਗੁਰਮੀਤ ਸਿੰਘ ਦਾ ਕਤਲ ਕਰ ਦਿੱਤਾ।