ਉੱਤਰੀ ਕੋਰੀਆ ਨੇ ਦੇਸ਼ ‘ਚ ਅਨਾਜ ਦੀ ਕਮੀ ਦੀਆਂ ਖ਼ਬਰਾਂ ਵਿਚਾਲੇ ਕਿਹਾ ਹੈ ਕਿ ਉਹ ਕਰੀਬ ਚਾਰ ਦਹਾਕਿਆਂ ‘ਚ ਸਭ ਤੋਂ ਭਿਆਨਕ ਸੋਕੇ ਨਾਲ ਜੂਝ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਸਾਲ ਦੇ ਪਹਿਲੇ ਪੰਜ ਮਹੀਨਿਆਂ ‘ਚ ਦੇਸ਼ ਭਰ ‘ਚ ਔਸਤਨ 54.4 ਮਿਲੀਮੀਟਰ ਮੀਂਹ ਪਿਆ।ਉੱਤਰੀ ਕੋਰੀਆ ਨੇ ਦੇਸ਼ ‘ਚ ਅਨਾਜ ਦੀ ਕਮੀ ਦੀਆਂ ਖ਼ਬਰਾਂ ਵਿਚਾਲੇ ਕਿਹਾ ਹੈ ਕਿ ਉਹ ਕਰੀਬ ਚਾਰ ਦਹਾਕਿਆਂ ‘ਚ ਸਭ ਤੋਂ ਭਿਆਨਕ ਸੋਕੇ ਨਾਲ ਜੂਝ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਸਾਲ ਦੇ ਪਹਿਲੇ ਪੰਜ ਮਹੀਨਿਆਂ ‘ਚ ਦੇਸ਼ ਭਰ ‘ਚ ਔਸਤਨ 54.4 ਮਿਲੀਮੀਟਰ ਮੀਂਹ ਪਿਆ। ਦੇਸ਼ ‘ਚ ਸਾਲ 1982 ਤੋਂ ਬਾਅਦ ਇਹ ਮੀਂਹ ਦਾ ਸਭ ਤੋਂ ਹੇਠਲਾ ਪੱਧਰ ਹੈ। ਉੱਤਰੀ ਕੋਰੀਆ ‘ਚ ਸਾਲ 1982 ‘ਚ ਇਸੇ ਮਿਆਦ ਦੌਰਾਨ ਔਸਤਨ 51.2 ਮਿਲੀਮੀਟਰ ਮੀਂਹ ਪਿਆ ਸੀ। ਇਹ ਰਿਪੋਰਟਾਂ ਅਜਿਹੇ ਸਮੇਂ ‘ਚ ਆਈਆਂ ਹਨ, ਜਦੋਂ ਸੰਯੁਕਤ ਰਾਸ਼ਟਰ ਭੋਜਨ ਏਜੰਸੀਆਂ ਨੇ ਇਸੇ ਮਹੀਨੇ ਦੀ ਸ਼ੁਰੂਆਤ ‘ਚ ਇੱਕ ਸਾਂਝੇ ਮੁਲਾਂਕਣ ‘ਚ ਕਿਹਾ ਸੀ ਕਿ ਉੱਤਰੀ ਕੋਰੀਆ ‘ਚ ਕਰੀਬ ਇੱਕ ਕਰੋੜ ਲੋਕ ‘ਭੋਜਨ ਦੀ ਭਿਆਨਕ ਕਮੀ’ ਤੋਂ ਜੂਝ ਰਹੇ ਹਨ। ਸੰਯੁਕਤ ਰਾਸ਼ਟਰ ‘ਚ ਉੱਤਰੀ ਕੋਰੀਆ ਦੇ ਰਾਜਦੂਤ ਕਿਮ ਸੋਂਗ ਨੇ ਫਰਵਰੀ ‘ਚ ਤਤਕਾਲ ਭੋਜਨ ਸੁਰੱਖਿਆ ਦੀ ਇੱਕ ਅਸਾਧਰਣ ਅਪੀਲ ਕੀਤੀ ਸੀ। ਉੱਤਰੀ ਕੋਰੀਆ ਦੇ ਅਧਿਕਾਰੀਆਂ ਨੇ ਭੋਜਨ ਦੀ ਇਸ ਕਮੀ ਲਈ ਖ਼ਰਾਬ ਮੌਸਮ ਅਤੇ ਕੌਮਾਂਤਰੀ ਆਰਥਿਕ ਪਾਬੰਦੀਆਂ ਨੂੰ ਦੋਸ਼ੀ ਠਹਿਰਾਇਆ ਹੈ। ਜ਼ਿਕਰਯੋਗ ਹੈ ਕਿ ਉੱਤਰੀ ਕੋਰੀਆ ਵਲੋਂ ਹਾਲ ਹੀ ਦੇ ਸਾਲਾਂ ‘ਚ ਕੀਤੇ ਪਰਮਾਣੂੰ ਅਤੇ ਮਿਜ਼ਾਈਲ ਪ੍ਰੀਖਣਾਂ ਤੋਂ ਬਾਅਦ ਉਸ ‘ਤੇ ਪਾਬੰਦੀਆਂ ਸਖ਼ਤ ਕਰ ਦਿੱਤੀਆਂ ਗਈਆਂ ਸਨ। ਇਸ ਸੋਕੇ ਦੇ ਮਈ ਦੇ ਅੰਤ ਤੱਕ ਰਹਿਣ ਦੀ ਸੰਭਾਵਨਾ ਹੈ।