ਸੀਬੀਐੱਸਈ ਨੇ ਦਸਵੀਂ ਜਮਾਤ 2019 ਦਾ ਨਤੀਜਾ ਐਲਾਨ ਦਿੱਤਾ ਹੈ। ਬੋਰਡ ਵੱਲੋਂ ਨਤੀਜਾ ਆਪਣੀ ਵੈੱਬਸਾਈਟ cbseresults.nic.in ਤੇ cbse.nic.in ‘ਤੇ ਜਾਰੀ ਕੀਤਾ ਗਿਆ ਹੈ। ਨਤੀਜਿਆਂ ਵਿਚ ਪੰਜਾਬ ਵਿਚੋਂ ਬਠਿੰਡੇ ਦੀ ਮਾਨਿਆ ਨੇ ਬਾਜ਼ੀ ਮਾਰੀ ਹੈ। ਮਾਨਿਆ ਨੇ ਪੰਜਾਬ ਵਿਚੋਂ ਪਹਿਲਾ ਤੇ ਦੇਸ਼ ਵਿਚੋਂ ਛੇਵਾਂ ਸਥਾਨ ਹਾਸਲ ਕੀਤਾ ਹੈ। ਮਾਨਿਆ ਨੇ 500 ਵਿਚੋਂ 499 ਅੰਕ ਹਾਸਲ ਕੀਤੇ ਹਨ। ਇਸ ਸਾਲ 10ਵੀਂ ਜਮਾਤ ਦੀ ਪ੍ਰੀਖਿਆ ‘ਚ 13 ਵਿਦਿਆਰਥੀਆਂ ਨੇ 500 ‘ਚੋਂ 499 ਅੰਕ ਹਾਸਲ ਕੀਤੇ ਹਨ।
ਜਾਣਕਾਰੀ ਮੁਤਾਬਕ ਈਸ਼ਾ ਸ੍ਰੀਵਾਸਤਵ ਨੇ 99.6% ਨਾਲ ਟਾਪ ਕੀਤਾ ਹੈ, ਉਥੇ ਗਾਜ਼ੀਆਬਾਦ ਦੀ ਰਿਧੀਮਾ ਗੁਪਤਾ ਨੇ 99.4 ਫੀਸਦੀ ਨੰਬਰ ਹਾਸਲ ਕੀਤੇ ਹਨ। ਸੋਨੀਪਤ ਦੀ ਲਿਟਲ ਏਂਜਲ ਸਕੂਲ ਦੀ ਵਿਦਿਆਰਥਣ ਅਪੂਰਵਾ ਗੁਲਾਟੀ ਨੂੰ ਵੀ 99.4 ਫੀਸਦੀ ਨੰਬਰ ਮਿਲੇ ਹਨ। ਤਕਰੀਬਨ 18.19 ਲੱਖ ਵਿਦਿਆਰਥੀਆਂ ਨੇ 10ਵੀਂ ਬੋਰਡ ਦੀ ਪ੍ਰੀਖਿਆ ਲਈ ਰਜਿਸਟ੍ਰੇਸ਼ਨ ਕਰਵਾਈ ਸੀ। ਪਿਛਲੇ ਸਾਲ 10ਵੀਂ ਵਿਚ ਲਗਭਗ 16.38 ਲੱਖ ਵਿਦਿਆਰਥੀ ਸ਼ਾਮਲ ਹੋਏ ਸਨ। ਸਾਲ 2018 ਵਿਚ 10ਵੀਂ ਵਿਚ ਪਾਸ ਫੀਸਦੀ 86.07 ਫ਼ੀਸਦੀ ਸੀ, ਜਿਸ ਵਿਚੋਂ 88.67 ਫ਼ੀਸਦੀ ਲੜਕੀਆਂ ਅਤੇ 85.32 ਫ਼ੀਸਦੀ ਲੜਕੇ ਪ੍ਰੀਖਿਆ ‘ਚੋਂ ਪਾਸ ਹੋਏ ਸਨ।
