ਐੱਲਪੀਯੂ ਦੀ ਵਿਦਿਆਰਥਣ ਨੂੰ ਮਿਲਿਆ ਕੈਨੇਡੀਅਨ ਕੰਪਨੀ ਵੱਲੋਂ 1 ਕਰੋੜ ਦਾ ਪੈਕੇਜ

ਜਲੰਧਰ – ਐੱਲਪੀਯੂ ਦੇ ਐੱਮਐੱਸਸੀ ਐਗਰੀਕਲਚਰਲ (ਐਗਰੋਨੌਮੀ) ਦੀ ਵਿਦਿਆਰਥਣ ਕਵਿਤਾ ਫੇਮਨ ਨੂੰ ਕੈਨੇਡਾ ਦੀ ਇੱਕ ਕੰਪਨੀ ਨੇ ਇੱਕ ਕਰੋੜ ਰੁਪਏ ਸਾਲਾਨਾ ਦਾ ਪੈਕੇਜ ਦਿੱਤਾ ਹੈ।ਇਸ ਦੇ ਨਾਲ ਵਿਦਿਆਰਥਣ ਕਵਿਤਾ ਨੂੰ ਕੈਨੇਡਾ ਦੇ ਮੋਨਸੈਂਟੋ ਗਰੁੱਪ ‘ਚ ਪ੍ਰੋਡਕਸ਼ਨ ਮੈਨੇਜਰ ਦੀ ਨੌਕਰੀ ਵਾਸਤੇ ਪੇਸ਼ਕਸ਼ ਕੀਤੀ ਗਈ ਹੈ।ਇਸ ਤਰ੍ਹਾਂ ਦਾ ਪੈਕੇਜ ਹਾਸਲ ਕਰਨ ਵਾਲੀ ਕਵਿਤਾ ਐਗਰੀਕਲਚਰ ਦੀ ਸਿੱਖਿਆ ਹਾਸਲ ਕਰਨ ਵਾਲੀ ਦੇਸ਼ ਦੀ ਪਹਿਲੀ ਵਿਦਿਆਰਥਣ ਹੈ।ਕੰਪਨੀ ਦੇ ਅਧਿਕਾਰੀਆਂ ਵੱਲੋਂ ਕਵਿਤਾ ਨੂੰ ਇਹ ਪੇਸ਼ਕਸ਼ ਸ਼ੁਰੂਆਤੀ ਪ੍ਰਰੀਖਿਆ ਅਤੇ ਇੰਟਰਵਿਊ ਦੇ ਆਧਾਰ ‘ਤੇ ਕੀਤੀ ਗਈ, ਜਿਸ ‘ਚ ਕਵਿਤਾ ਪੂਰੀ ਤਰ੍ਹਾਂ ਸਫਲ ਰਹੀ ਹੈ ।ਕਵਿਤਾ ਹੁਣ ਕੰਪਨੀ ਦੀ ਕਰਾਪ ਸਾਇੰਸ ਦ ਫਾਇਰ ਗਰੁੱਪ ਨਾਲ ਜੁੜ ਗਈ ਹੈ ਅਤੇ ਉਹ ਇਸੇ ਮਹੀਨੇ ਕੰਪਨੀ ਦੇ ਮਾਨੀਟੋਬਾ ਆਫ਼ਿਸ ਵਿਚ ਬਤੌਰ ਪ੍ਰੋਡਕਸਨ ਮੈਨੇਜਰ ਦੇ ਤੌਰ ‘ਤੇ ਜਵਾਇਨ ਕਰੇਗੀ। ਪ੍ਰੋਡਕਸ਼ਨ ਮੈਨੇਜਰ ਹੋਣ ਦੇ ਨਾਤੇ ਉਨ੍ਹਾਂ ਦੀ ਕੰਪਨੀ ਵਿਚ ਪ੍ਰੋਡਕਸ਼ਨ, ਪਲਾਨਿੰਗ ਅਤੇ ਮੈਨੂਫੈਕਚਰਿੰਗ ਪ੍ਰੌਸਸ ਵਿਚ ਇਨਵੌਲਵਮੈਂਟ ਰਹੇਗੀ। ਕਵਿਤਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਲਈ ਇਹ ਸਭ ਕੁਝ ਸੁਪਨੇ ਵਾਂਗ ਹੈ।