ਸੁਮਨ ਕੁਮਾਰੀ ਪਾਕਿਸਤਾਨ ‘ਚ ਬਣੀ ਪਹਿਲੀ ਮਹਿਲਾ ਹਿੰਦੂ ਜੱਜ

ਇਸਲਾਮਾਬਾਦ – ਸੁਮਨ ਕੁਮਾਰੀ ਪਾਕਿਸਤਾਨ ਵਿਚ ਸਿਵਲ ਜੱਜ ਨਿਯੁਕਤ ਹੋਣ ਵਾਲੀ ਪਹਿਲੀ ਹਿੰਦੂ ਮਹਿਲਾ ਬਣ ਗਏ ਹਨ। ਖ਼ਬਰਾਂ ਮੁਤਾਬਕ ਕੰਬਰ ਸ਼ਾਹਦਾਦਕੋਟ ਨਿਵਾਸੀ ਸੁਮਨ ਅਪਣੇ ਜੱਦੀ ਜ਼ਿਲ੍ਹੇ ਵਿਚ ਹੀ ਜੱਜ ਦੇ ਤੌਰ ‘ਤੇ ਸੇਵਾ ਦੇਣਗੇ। ਉਹਨਾਂ ਨੇ ਹੈਦਰਾਬਾਦ ਤੋਂ ਐਲਐਲਬੀ ਅਤੇ ਕਰਾਚੀ ਦੀ ਸ਼ਹੀਦ ਜ਼ੁਲਫੀਕਾਰ ਅਲੀ ਭੁੱਟੋ ਵਿਗਿਆਨ ਅਤੇ ਤਕਨੀਕੀ ਸੰਸਥਾ ਤੋਂ ਐਲਐਲਐਮ ਕੀਤੀ ਹੈ। ਪਾਕਿਸਤਾਨ ਦੀ ਕੁੱਲ ਅਬਾਦੀ ਵਿਚ ਦੋ ਫ਼ੀ ਸਦੀ ਹਿੰਦੂ ਹਨ ਅਤੇ ਇਸਲਾਮ ਤੋਂ ਬਾਅਦ ਦੇਸ਼ ਵਿਚ ਹਿੰਦੂ ਧਰਮ ਦੂਜਾ ਸੱਭ ਤੋਂ ਵੱਡਾ ਧਰਮ ਹੈ।