ਬਠਿੰਡਾ – ਬਠਿੰਡਾ ਮਿਊਂਸਪਲ ਕਾਰਪੋਰੇਸ਼ਨ ਵੱਲੋਂ ਸ਼ਹਿਰ ਦੇ ਵੱਖ ਵੱਖ ਹਿੱਸਿਆਂ ’ਚ ਹੋਡਿਗਾਂ ਲਗਾ ਕੇ ਗਣਤੰਤਰ ਦਿਵਸ ਦੀਆਂ ਵਧਾਈਆਂ ਦਿੱਤੀਆਂ, ਪਰ ਇਹ ਵਧਾਈਆਂ ਪੜ ਕੇ ਲੋਕ ਸਸੋਪੰਜ ’ਚ ਪੈ ਗਏ। ਮਾਮਲਾ ਹੈ ਆਈ ਜੀ ਦੇ ਦੇ ਘਰ ਅਤੇ ਜਿਲਾ ਕਚਿਹਰੀਆਂ ਦੇ ਦਰਮਿਆਨ ਗੋਲਚੱਕਰ ’ਤੇ ਲੱਗੀਆਂ ਇੰਨਾਂ ਫਲੈਕਸਾਂ ‘ਤੇ ਅਜ਼ਾਦੀ ਦੀਆਂ ਵਧਾਈਆਂ ਲਿਖਿਆ ਹੋਇਆ ਸੀ। ਜਦੋਂ ਇੰਨਾਂ ਫਲੈਕਸਾਂ ’ਤੇ ਜਿੰਮੇਵਾਰ ਸ਼ਹਿਰੀਆਂ ਦੀ ਨਜ਼ਰ ਪਈ ਤਾਂ ਉਨਾਂ ਵੱਲੋਂ ਸ਼ੋਸ਼ਲ ਮੀਡੀਆ ’ਤੇ ਸਬੰਧਤ ਤਸਵੀਰਾਂ ਵਾਇਰਲ ਕਰ ਦਿੱਤੀਆਂ। ਤਸਵੀਰਾਂ ਦੇਖਦੇ ਸਾਰ ਹੀ ਮਿਊਂਸਪਲ ਕਾਰਪੋਰੇਸ਼ਨ ਦੇ ਅਧਿਕਾਰੀਆਂ ’ਚ ਹੜਕੰਪ ਮੱਚ ਗਿਆ। ਖਬਰ ਲਿਖੇ ਜਾਣ ਤੱਕ ਇੰਨਾਂ ਫਲੈਕਸਾਂ ’ਚ ਕੋਈ ਦਰੁਸਤੀ ਨਹੀਂ ਕੀਤੀ ਗਈ।
ਉੱਥੇ ਮੌਜ਼ੂਦ ਸ਼ਹਿਰੀਆਂ ਨੇ ਇਸ ਘਟਨਾਕ੍ਰਮ ’ਤੇ ਸਖਤ ਇਤਰਾਜ ਜਾਹਰ ਕਰਦਿਆਂ ਕਿਹਾ ਕਿ ਇਹ ਕੋਈ ਛੋਟੀ ਮੋਟੀ ਗਲਤੀ ਨਹੀਂ ਹੈ ਅਤੇ ਨਾ ਹੀ ਇਹ ਬਖਸ਼ਣਯੋਗ ਹੈ। ਜਿੰਨਾਂ ਲੋਕਾਂ ਨੂੰ ਗਣਤੰਤਤਰ ਦਿਵਸ ਅਤੇ ਅਜ਼ਾਦੀ ਦਿਵਸ ਦੇ ਫਰਕ ਦਾ ਨਹੀਂ ਪਤਾ ਉਨਾਂ ਨੂੰ ਸਰਕਾਰੀ ਨੌਕਰੀ ਕਰਨ ਦਾ ਕੋਈ ਹੱਕ ਨਹੀਂ ਹੈ।
ਇਥੇ ਦੱਸਣਾ ਬਣਦਾ ਹੈ ਕਿ 26 ਜਨਵਰੀ ਅਤੇ 15 ਅਗਸਤ ਮੌਕੇ ਜਨਤਕ ਥਾਵਾਂ ’ਤੇ ਇਸ਼ਤਿਹਾਰਬਾਜ਼ੀ ਕਰਕੇ ਆਮ ਲੋਕਾਂ ਨੂੰ ਇੰਨਾਂ ਦਿਵਸਾਂ ਦੀ ਵਧਾੲਂ ਦਿੱਤੀ ਜਾਂਦੀ ਹੈ ਅਤੇ ਛਾਪੇ ਜਾਣ ਵਾਲੀ ਸਮੱਗਰੀ ’ਤੇ ਸਬੰਧਤ ਅਧਿਕਾਰੀਆਂ ਵੱਲੋਂ ਫਾਈਲਾਂ ’ਤੇ ਦਸਤਖਤ ਕੀਤੇ ਜਾਂਦੇ ਹਨ।