ਚੀਫ਼ ਖ਼ਾਲਸਾ ਦੀਵਾਨ ਦੀ ਭਲਕੇ ਹੋਣ ਵਾਲੀ ਚੋਣ ‘ਤੇ ਅਦਾਲਤ ਵਲੋਂ ਰੋਕ

ਅੰਮ੍ਰਿਤਸਰ – ਚੀਫ਼ ਖ਼ਾਲਸਾ ਦੀਵਾਨ ਦੀਆਂ ਭਲਕੇ 2 ਦਸੰਬਰ ਨੂੰ ਹੋ ਰਹੀਆਂ ਆਮ ਚੋਣਾਂ ‘ਤੇ ਅੱਜ ਇੱਥੇ ਮਾਨਯੋਗ ਰਾਜਬੀਰ ਕੌਰ ਸਿਵਲ ਜੱਜ ਜੂਨੀਅਰ ਡਿਵੀਜ਼ਨ ਅੰਮ੍ਰਿਤਸਰ ਵਲੋਂ ਅਗਲੇ ਹੁਕਮਾਂ ਤੱਕ ਰੋਕ ਲਗਾ ਦਿੱਤੀ ਗਈ ਹੈ। ਪ੍ਰਾਪਤ ਸੂਚਨਾ ਅਨੁਸਾਰ ਅਦਾਲਤ ਕੋਲ ਇਹ ਅਪੀਲ ਦੀਵਾਨ ਦੇ ਇੱਕ ਮੈਂਬਰ ਹਰਜੀਤ ਸਿੰਘ ਸਚਦੇਵਾ ਵਲੋਂ ਕੀਤੀ ਗਈ ਸੀ ਜਿਸ ‘ਤੇ ਅਦਾਲਤ ਵਲੋਂ ਅੱਜ ਇਸ ਚੋਣ ‘ਤੇ ਅਸਥਾਈ ਰੋਕ ਲਗਾਉਂਦਿਆਂ 7 ਦਸੰਬਰ ਨੂੰ ਦੀਵਾਨ ਦੇ ਕਾਰਜਕਾਰੀ ਪ੍ਰਧਾਨ ਧੰਨਰਾਜ ਸਿੰਘ ਨੂੰ ਅਦਾਲਤ ਵਿਚ ਪੇਸ਼ ਹੋ ਕੇ ਦੀਵਾਨ ਵਲੋਂ ਪੱਖ ਰੱਖਣ ਹਦਾਇਤ ਜਾਰੀ ਕੀਤੀ ਗਈ ਹੈ। ਇਸੇ ਦੌਰਾਨ ਦੀਵਾਨ ਦੇ ਅਧਿਕਾਰੀਆਂ ਦੀ ਇਸ ਸਬੰਧੀ ਹੰਗਾਮੀ ਇਕੱਤਰਤਾ ਕਰ ਕੇ ਇਸ ਮਾਮਲੇ ‘ਤੇ ਵਿਚਾਰ ਕੀਤੀ ਜਾ ਰਹੀ ਹੈ।