ਜਲੰਧਰ ‘ਚ ਪੰਜਾਬ ਹਿਊਮਨ ਰਾਈਟਸ ਫਰੰਟ ਦੇ ਪ੍ਰਧਾਨ ਸ਼ਸ਼ੀ ਸ਼ਰਮਾ ਤੇ ਉਸ ਦੇ ਬੇਟੇ ‘ਤੇ ਉਨ੍ਹਾਂ ਦੇ ਬੱਸ ਸਟੈਂਡ ਸਥਿਤ ਦਫ਼ਤਰ ‘ਤੇ ਹਮਲਾ ਕਰ ਦਿੱਤਾ ਗਿਆ। ਬਾਪ-ਬੇਟੇ ਨੂੰ ਨਿੱਜੀ ਹਸਪਤਾਲ ‘ਚ ਭਰਤੀ ਕਰਾਇਆ ਗਿਆ ਹੈ। ਪੁਲਿਸ ਵੱਲੋਂ ਕਾਰਵਾਈ ਜਾਰੀ ਹੈ।ਪਤਾ ਲੱਗਾ ਹੈ ਕਿ 13-14 ਅਣਪਛਾਤਿਆਂ ਨੇ ਅਚਾਨਕ ਸ਼ਸ਼ੀ ਸ਼ਰਮਾ ਦੇ ਦਫਤਰ ਉਤੇ ਹਮਲਾ ਕਰ ਦਿੱਤਾ ਤੇ ਪਿਉ-ਪੁੱਤ ਦੀ ਤੇਜ਼ਧਾਰ ਹਥਿਆਰਾਂ ਨਾਲ ਵੱਢ ਟੁੱਕ ਕੀਤੀ। ਪਤਾ ਲੱਗਾ ਹੈ ਕਿ ਹਮਲਾਵਰਾਂ ਨੇ ਪਹਿਲਾਂ ਦਫਤਰ ਦੇ ਬਾਹਰ ਖੜ੍ਹੇ ਗੰਨ ਮੈਨ ਨੂੰ ਨਿਸ਼ਾਨਾ ਬਣਾਇਆ ਤੇ ਉਸ ਤੋਂ ਬੰਦੂਕ ਖੋ ਲਈ। ਇਸ ਤੋਂ ਬਾਅਦ ਹਮਲਾਵਰ ਅੰਦਰ ਦਾਖਲ ਹੋਏ ਤੇ ਸ਼ਸ਼ੀ ਸ਼ਰਮਾ ਨੂੰ ਨਿਸ਼ਾਨਾ ਬਣਾਇਆ। ਇਸ ਹਮਲੇ ਵਿਚ ਸ਼ਸ਼ੀ ਤੇ ਉਸ ਦੇ ਬੇਟੇ ਨੂੰ ਗੰਭੀਰ ਸੱਟਾਂ ਵੱਜੀਆਂ ਹਨ। ਦੋਵਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ ਗਈ ਹੈ।