ਕਿਸਾਨਾਂ ਦੀ ਨਾਰਾਜ਼ਗੀ ਦੇ ਚੱਲਦਿਆਂ ਕੇਂਦਰ ਦੀ ਮੋਦੀ ਸਰਕਾਰ ਨੇ ਹਾੜੀ ਦੀਆਂ ਫਸਲਾਂ ਦੇ ਸਮਰਥਨ ਮੁੱਲ ਵਧਾਉਣ ਦਾ ਫੈਸਲਾ ਲਿਆ ਹੈ। ਕੇਂਦਰੀ ਕੈਬਨਿਟ ਦੀ ਬੈਠਕ ਵਿੱਚ ਹਾੜੀ ਦੀਆਂ ਫਸਲਾਂ ਲਈ ਨਵੇਂ ਸਮਰਥਨ ਮੁੱਲ ’ਤੇ ਮੋਹਰ ਲੱਗ ਗਈ ਹੈ ਪਰ ਇਸ ਵਾਧੇ ਨੂੰ ਲੈ ਕੇ ਪੰਜਾਬ ਦੀ ਸਿਆਸਤ ਭਖ ਗਈ ਹੈ। ਕਾਂਗਰਸ ਇਸ ਨੂੰ ਨਗੁਮਾ ਦੱਸ ਰਹੀ ਹੈ ਜਦੋਂਕਿ ਅਕਾਲੀ ਦਲ ਇਸ ਵਾਧੇ ਤੋਂ ਖੁਸ਼ ਨਜਰ ਆ ਰਹੀ ਹੈ।
ਕੇਂਦਰ ਸਰਕਾਰ ਵੱਲੋਂ ਕਣਕ ਦੀ ਫਸਲ ਦੇ ਸਮਰਥਨ ਮੁੱਲ ਚ ਕੀਤੇ 105 ਰੁਪਏ ਦੇ ਵਾਧੇ ਨੂੰ ਲੈ ਕੇ ਸਿਆਸਤ ਹੋਣ ਲੱਗੀ ਹੈ…. ਤੇ ਕਾਂਗਰਸ ਇਸ ਨੂੰ ਨਗੁਣਾ ਵਾਧਾ ਦੱਸ ਰਹੇ ਨੇ.. ਦਿੱਲੀ ਦੌਰੇ ਉਤੇ ਗਏ ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਮੁੱਦਾ ਰਾਕ ਮੰਤਰੀ ਰਾਮਵਿਲਾਸ ਪਾਸਵਾਨ ਨਾਲ ਮੁਲਾਕਾਤ ਕੀਤੀ ਤੇ ਕਣਕ ਦੇ ਸਮਰਥਨ ਮੁੱਲ ਚ ਕੀਤੇ ਵਾਧੇ ਬਾਰੇ ਵੀ ਵਿਚਾਰ-ਚਰਚਾ ਹੋਈ। ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ 105 ਰੁਪਏ ਦਾ ਇਹ ਵਾਧ ਨਕਾਫੀ ਹੈ ਕਿ ਕਿਉਂ ਮਹਿੰਗਾਈ ਲਗਾਤਾਰ ਅਸਮਾਨ ਛੋਹ ਰਹੀ ਹੈ… ਤੇ ਕਿਸਾਨਾਂ ਦੇ ਖਰਚ ਵੀ ਫਸਲ ਉਤੇ ਦੁਗਣੇ ਹੋ ਗਏ ਨੇ.. ਇਸ ਲਈ ਇਹ ਵਾਧਾ ਹੋਰ ਹੋਣਾ ਚਾਹੀਦਾ ਹੈ ਤਾਂ ਜੋ ਕਿਸਨਾਂ ਨੂੰ ਆਪਣੀ ਮਹਿਨਤ ਦਾ ਪੂਰਾ ਮੁੱਲ ਮਿਲ ਸਕੇ।
ਕੈਪਟਨ 105 ਰੁਪਏ ਦਾ ਵਾਧਾ ਬੇਸ਼ੱਕ ਨਗੁਣਾ ਜਾਪ ਰਿਹਾ ਹੈ ਪਰ ਅਕਾਲੀ ਦਲ ਇਸ ਵਾਧੇ ਤੋਂ ਖੁਸ਼ ਹੈ। ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਤਾਂ ਇੱਥੋ ਤੱਕ ਕਹਿ ਦਿੱਤਾ ਕਿ ਕਿਸਾਨਾਂ ਨੂੰ ਕੇਂਦਰ ਸਰਕਾਰ ਦਾ ਧਨਵਾਦ ਕਰਨਾ ਚਾਹੀਦਾ ਹੈ। ਹਰਸਿਮਰਤ ਨੇ ਕੈਪਟਨ ਅਮਰਿੰਦਰ ਸਿੰਘ ਉਤੇ ਪਲਟਵਾਰ ਕਰਦਿਆ ਕਿਹਾ ਕਿ ਕੇਂਦਰ ਸਰਕਾਰ 105 ਰੁਪਏ ਦਾ ਵਾਧਾ ਕਰ ਚੁੱਕੀ ਹੈ ਤੇ ਜੇਕਰ ਕੈਪਟਨ ਅਮਰਿੰਦਰ ਸਿੰਘ ਨੂੰ ਇਹ ਨਕਾਫੀ ਲੱਗ ਰਿਹਾ ਤਾਂ ਉਹ ਸੂਬੇ ਦੇ ਕਿਸਾਨਾਂ ਨੂੰ ਪੰਜਾਬ ਸਰਕਾਰ ਵੱਲੋਂ ਇਹ ਵਾਧਾ 200 ਰੁਪਏ ਕਰਕੇ ਦੇਣ।
ਕਿਸਾਨਾਂ ਦੀ ਨਾਰਾਜ਼ਗੀ ਦੇ ਚੱਲਦਿਆਂ ਕੇਂਦਰ ਦੀ ਮੋਦੀ ਸਰਕਾਰ ਨੇ ਕਣਕ ਦੀ ਫਸਲ ਦੇ ਸਮਰਥਨ ਮੁੱਲ ਵਧਾਉਣ ਦਾ ਫੈਸਲਾ ਲਿਆ ਪਰ ਕਿਸਾਨ ਅਜੇ ਵੀ ਇਸ ਵਾਧੇ ਤੋਂ ਖੁਸ਼ ਨਹੀਂ। ਕਿਸਾਨਾਂ ਮੁਤਾਬਕ ਉਨਾਂ ਦੇ ਮਹਿੰਗਾਈ ਕਾਰਨ ਖਰਚੇ 3 ਗੁਣਾ ਵਾਧ ਗਏ ਤੇ ਪਰ ਕੇਂਦਰ ਮਹਿਜ਼ ਨਗੁਣੇ ਵਾਧੇ ਨਾਲ ਹੀ ਉਨਾਂ ਦਾ ਬੱਟਾ ਧੱਕ ਰਹੀ ਹੈ।