ਭਾਜਪਾ ਰਾਸ਼ਟਰੀ ਕਾਰਜਕਾਰਣੀ ਬੈਠਕ ਸ਼ੁਰੂ, ਪੀ.ਐਮ. ਮੋਦੀ ਅਤੇ ਅਮਿਤ ਸ਼ਾਹ ਨੇ ਲਿਆ ਹਿੱਸਾ

ਨਵੀਂ ਦਿੱਲੀ—ਭਾਰਤੀ ਜਨਤਾ ਪਾਰਟੀ ਦੀ ਦੋ ਦਿਨੀਂ ਰਾਸ਼ਟਰੀ ਕਾਰਜਕਾਰਣੀ ਦੀ ਬੈਠਕ ਦੀ ਸ਼ੁਰੂਆਤ ਹੋ ਗਈ। ਜਿਸ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ, ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ, ਕੇਂਦਰੀ ਮੰਤਰੀ ਅਰੁਣ ਜੇਤਲੀ, ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਅਤੇ ਵਿਦੇਸ਼ ਮੰਤਰੀ ਸੁਸ਼ਮਾ ਸਮੇਤ ਹੋਰ ਭਾਜਪਾ ਨੇਤਾ ਹਿੱਸਾ ਲੈ ਰਹੇ ਹਨ। ਉੱਥੇ ਬੈਠਕ ਤੋਂ ਪਹਿਲਾਂ ਸ਼ਾਹ ਨੇ ‘ਜੇਤੂ ਭਾਜਪਾ ਦਾ ਮੰਤਰ ਦਿੰਦੇ ਹੋਏ 2019 ‘ਚ ਪਹਿਲਾਂ ਤੋਂ ਵਧ ਬਹੁਮਤ ਨਾਲ ਸੱਤਾ ‘ਚ ਆਉਣ ਦਾ ਸੰਕਲਪ ਕਰਵਾਇਆ।
ਸ਼ਾਹ ਨੇ ਉੱਚ ਅਧਿਕਾਰੀਆਂ ਦੀ ਬੈਠਕ ‘ਚ ਕਿਹਾ ਕਿ ਉਹ ਭਾਜਪਾ ਨੂੰ ਜੇਤੂ ਭਾਰਤੀ ਜਨਤਾ ਪਾਰਟੀ ਬਣਾਉਣ ਦਾ ਸੰਕਲਪ ਲੈਣ ਅਤੇ 2019 ‘ਚ ਪ੍ਰਚੰਡ ਬਹੁਮਤ ਦੇ ਨਾਲ ਜਿੱਤ ਦਾ ਸੰਕਲਪ ਲੈਣ ਦੇ ਨਾਲ-ਨਾਲ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ‘ਚ ਜਿੱਤ ਤੈਅ ਕਰਨ। ਦੁਨੀਆ ਦੀ ਸਭ ਤੋਂ ਪ੍ਰਸਿੱਧ ਲੀਡਰਸ਼ਿਪ ਸਾਡੇ ਕੋਲ ਹੈ। ਜਿੱਤ ਦੇ ਸਾਡੇ ਸੰਕਲਪ ਨੂੰ ਕੋਈ ਹਰਾ ਨਹੀਂ ਸਕਦਾ। ਪ੍ਰਚੰਡ ਬਹੁਮਤ ਨਾਲ ਜਿੱਤ ਹੋਵੇਗੀ।
ਸ਼ਾਹ ਨੇ ਦੇਸ਼ ਭਰ ਤੋਂ ਆਏ ਪਾਰਟੀ ਉੱਚ ਅਧਿਕਾਰੀਆਂ ਨੂੰ ਸ਼ਾਮਲ ਕੀਤਾ ਕਿ 2019 ‘ਚ ਪਾਰਟੀ ਨੂੰ 2014 ਦੇ ਮੁਕਾਬਲੇ ਵਧ ਬਹੁਮਤ ਨਾਲ ਜਿੱਤ ਮਿਲਣੀ ਹੈ। ਉਨ੍ਹਾਂ ਨੇ ਸੰਗਠਨ ਨੂੰ ਮਜਬੂਤ ਬਣਾਉਣ, ਸਰਕਾਰ ਦੀਆਂ ਯੋਜਨਾਵਾਂ ਦੇ ਕਾਰਜ ‘ਚ ਤੇਜ਼ੀ ਲਿਆਉਣ ਅਤੇ ਉਸ ਦਾ ਪ੍ਰਚਾਰ ਹੇਠਲੇ ਪੱਧਰ ਤੱਕ ਕਰਨ ਅਤੇ ਚੋਣਾਂ ਦੀ ਤਿਆਰੀ ਬੂਥ ਪੱਧਰ ‘ਤੇ ਕਰਨ ਲਈ ਜ਼ੋਰ ਦਿੱਤਾ। ਬੈਠਕ ‘ਚ ਦੱਖਣ ਦੇ ਸੂਬਿਆਂ ‘ਚ ਪਾਰਟੀ ਸੰਗਠਨ ਦੇ ਵਿਸਥਾਰ, ਪੱਛਮੀ ਬੰਗਾਲ ‘ਚ ਪਾਰਟੀ ਕਾਰਜਕਰਤਾਵਾਂ ‘ਤੇ ਹੋ ਰਹੇ ਰਾਜਨੀਤਕ ਹਮਲੇ, ਦੇਸ਼ ਦੇ ਭਿੰਨ-ਭਿੰਨ ਹਿੱਸਿਆਂ ‘ਚ ਹੜ੍ਹ ਦੀ ਸਥਿਤੀ, ਕੁਝ ਸਥਾਨਾਂ ‘ਤੇ ਅਨੁਸੂਚਿਤ ਜਾਤੀ,ਜਨਜਾਤੀ, ਅੱਤਿਆਚਾਰ ਨਿਰੋਧਕ ਕਾਨੂੰਨ ਨੂੰ ਲੈ ਕੇ ਹੋ ਰਹੇ ਅੰਦੋਲਨ ‘ਤੇ ਵੀ ਆਪਣੀ ਰਾਏ ਰੱਖੀ।
ਪਾਰਟੀ ਸੂਤਰਾਂ ਦੇ ਮੁਤਾਬਕ ਬੈਠਕਾਂ ‘ਚ ਪੈਟਰੋਲੀਅਮ ਪਦਾਰਥਾਂ ‘ਚ ਹਾਲ ‘ਚ ਹੋਏ ਮੁੱਲ ਦੇ ਵਾਧੇ ਅਤੇ ਰੁਪਏ ਦੀ ਡਿੱਗਦੀ ਕੀਮਤ ਨੂੰ ਲੈ ਕੇ ਸਰਕਾਰ ‘ਤੇ ਵਿਰੋਧੀ ਪਾਰਟੀਆਂ ਦੇ ਹੋ ਰਹੇ ਹਮਲਿਆਂ ਦਾ ਸਹੀ ਜਵਾਬ ਦੇਣ ਦੀ ਰਣਨੀਤੀ ਵੀ ਤੈਅ ਕੀਤੀ ਜਾਵੇਗੀ। ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਦੀ ਮੌਤ ਦੇ ਬਾਅਦ ਪਹਿਲੀ ਵਾਰ ਹੋਣ ਵਾਲੀ ਪਾਰਟੀ ਦੀ ਇਸ ਸਰਵਉੱਚ ਬੈਠਕ ‘ਚ ਉਨ੍ਹਾਂ ਦੇ ਵਿਅਕਤੀਗਤ ਅਤੇ ਕਲਾ ‘ਤੇ ਵਿਸੇਸ਼ ਰੂਪ ਨਾਲ ਫੋਕਸ ਕੀਤਾ ਗਿਆ ਹੈ। ਪੂਰਾ ਪਰਿਸਰ ਅਟਲ ਮਈ ਨਜ਼ਰ ਆ ਰਿਹਾ ਹੈ।