ਨਵੀਂ ਦਿੱਲੀ— ਵਿੱਤ ਮੰਤਰੀ ਅਰੁਣ ਜੇਟਲੀ ਨੇ ਰਾਫੇਲ ਜਹਾਜ਼ ਸੌਦੇ ਦੇ ਬਾਰੇ ‘ਚ ਕਾਂਗਰਸ ਦੇ ਉੱਪਰ ਅੱਜ ਅਸ਼ਾਂਤੀ ਫੈਲਾਉਣ ਦਾ ਦੋਸ਼ ਲਗਾਇਆ। ਜੇਟਲੀ ਨੇ ਕਿਹਾ ਕਿ ਵਿਰੋਧੀ ਪਾਰਟੀ ਅਤੇ ਉਸ ਦੇ ਨੇਤਾ ਰਾਹੁਲ ਗਾਂਧੀ ਫਰਜ਼ੀ ਮੁਹਿੰਮ ਚਲਾ ਕੇ ਰਾਸ਼ਟਰੀ ਸੁਰੱਖਿਆ ਨਾਲ ਗੰਭੀਰ ਖਿਲਵਾੜ ਕਰ ਰਹੇ ਹਨ। ਜੇਟਲੀ ਨੇ ਰਾਹੁਲ ਨੂੰ ਨਾਸਮਝ ਦੱਸਦੇ ਹੋਏ 15 ਸਵਾਲ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ 36 ਰਾਫੇਲ ਜਹਾਜ਼ ਖਰੀਦਣ ਲਈ ਫਰਾਂਸ ਨਾਲ 10 ਅਪ੍ਰੈਲ, 2015 ਨੂੰ ਰਾਸ਼ਟਰੀ ਡੈਮੋਕ੍ਰੇਟਿਵ ਗਠਜੋੜ (ਐੱਨ. ਜੀ. ਏ.) ਸਰਕਾਰ ਨੇ ਸੰਯੁਕਤ ਪ੍ਰਗਤੀਸ਼ੀਲ ਗਠਜੋੜ (ਯੂ. ਪੀ. ਏ.) ਸਰਕਾਰ ਦੇ 2007 ਦੇ ਕਰਾਰ ਦੀ ਤੁਲਨਾ ‘ਚ ਬਿਹਤਰ ਸ਼ਰਤਾਂ ‘ਤੇ ਸਮਝੌਤਾ ਕੀਤਾ। ਉਨ੍ਹਾਂ ਲਿਖਿਆ ਕਿ ਮੈਂ ਇਹ ਸਵਾਲ ਕਰ ਰਿਹਾ ਹਾਂ ਕਿਉਂਕਿ ਉਨ੍ਹਾਂ ਦੇ ਬੇਮਿਸਾਲ ਅਤੇ ਰਾਸ਼ਟਰੀ ਹਿੱਤ ਪ੍ਰਭਾਵਿਤ ਹੋ ਰਹੇ ਹਨ ਅਤੇ ਮੈਨੂੰ ਉਮੀਦ ਹੈ ਕਿ ਰਾਹੁਲ ਗਾਂਧੀ ਪਾਰਟੀ ਅਤੇ ਕਾਂਗਰਸ ਪਾਰਟੀ ਤੁਰੰਤ ਹੀ ਇਸ ਦਾ ਜਵਾਬ ਦੇਵੇਗੀ।
ਉਨ੍ਹਾਂ ਕਿਹਾ ਕਿ ਰਾਫੇਲ ਜਹਾਜ਼ ਸੌਦੇ ਦੇ ਬਾਰੇ ‘ਚ ਕਾਂਗਰਸ ਪਾਰਟੀ ਦੇ ਹਲਕੇ ਝੂਠ ‘ਤੇ ਆਧਾਰਿਤ ਫਰਜ਼ੀ ਮੁਹਿੰਮ ਤੋਂ 2 ਸਰਕਾਰਾਂ ਵਿਚਕਾਰ ਹੋਏ ਇਕਰਾਰਨਾਮੇ ‘ਤੇ ਖਤਰਾ ਬਣਿਆ ਹੋਇਆ ਹੈ ਅਤੇ ਰਾਸ਼ਟਰੀ ਸੁਰੱਖਿਆ ‘ਤੇ ਗੰਭੀਰ ਖਤਰੇ ਪੈਦਾ ਹੋ ਰਹੇ ਹਨ। ਜੇਟਲੀ ਨੇ ਕਿਹਾ ਕਿ ਰਾਫੇਲ ਵਿਵਾਦ ਪੂਰੀ ਤਰ੍ਹਾਂ ਤੋਂ ਝੂਠ ‘ਤੇ ਆਧਾਰਿਤ ਹੈ। ਉਨ੍ਹਾਂ ਕਿਹਾ ਕਿ ਰਾਸ਼ਟਰੀ ਸਿਆਸਤ ਦਲਾਂ ਅਤੇ ਉਨ੍ਹਾਂ ਦੇ ਜ਼ਿੰਮੇਵਾਰ ਨੇਤਾਵਾਂ ਤੋਂ ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਰੱਖਿਆ ਸੌਦਿਆਂ ਦੇ ਬਾਰੇ ‘ਚ ਜਨਤਕ ਬਹਿਸ ‘ਚ ਆਉਣ ਤੋਂ ਪਹਿਲਾਂ ਖੁਦ ਨੂੰ ਮੁੱਢਲੀ ਤੱਤਾਂ ਤੋਂ ਜਾਣੂ ਕਰਵਾਉਣਗੇ। ਜੇਟਲੀ ਨੇ ਕਿਹਾ ਕਿ ਕਾਂਗਰਸ ਅਤੇ ਰਾਹੁਲ ਤਿੰਨ ਤਰੀਕਿਆਂ ਤੋਂ ਇਸ ਮੁੱਦੇ ‘ਤੇ ਦੋਸ਼ੀ ਹਨ। ਇਸ ‘ਚ ਸੌਦੇ ‘ਚ ਇਕ ਦਹਾਕੇ ਤੋਂ ਜ਼ਿਆਦਾ ਦੇਰ ਕਰਕੇ ਰਾਸ਼ਟਰੀ ਸੁਰੱਖਿਆ ਨਾਲ ਧੋਖਾ, ਕੀਮਤ ਅਤੇ ਪ੍ਰਕਿਰਿਆ ਦੇ ਬਾਰੇ ‘ਚ ਝੂਠ ਫੈਲਾਉਣਾ ਅਤੇ ਇਸ ਤਰ੍ਹਾਂ ਦੇ ਮੁੱਦੇ ਚੁੱਕ ਕੇ ਖਰੀਦ ਨੂੰ ਹੋਰ ਟਾਲਣਾ ਸ਼ਾਮਲ ਹੈ। ਉਨ੍ਹਾਂ ਕਿਹਾ ਕਿ ਇਹ ਕਰਨ ਦੀ ਜ਼ਰੂਰਤ ਨਹੀਂ ਕਿ ਮੈਂ ਇਕਰਾਰਨਾਮਾ ਦੇ ਗੁਪਤ ਪ੍ਰਬੰਧਾਂ ਨਾਲ ਬੰਨ੍ਹਿਆਂ ਹੋਇਆ ਹੈ ਅਤੇ ਮੇਰੇ ਕੋਲੋ ਜੋ ਵੀ ਕੁਝ ਪੁੱਛਿਆ ਜਾਵੇਗਾ ਉਹ ਉਸ ਦਾਇਰੇ ‘ਚ ਬੰਨ੍ਹਿਆ ਹੋਵੇਗਾ।
ਜੇਟਲੀ ਨੇ ਕਿਹਾ ਕਿ ਰਾਹੁਲ ਗਾਂਧੀ ਨੇ ਅਪ੍ਰੈਲ ‘ਚ ਦਿੱਲੀ ‘ਚ ਅਤੇ ਮਈ ‘ਚ ਕਰਨਾਟਕ ‘ਚ ਇਸ ਦੀ ਕੀਮਤ ਪ੍ਰਤੀ ਜਹਾਜ਼ 700 ਕਰੋੜ ਰੁਪਏ ਹੋਣ ਦੀ ਗੱਲ ਕੀਤੀ। ਸੰਸਦ ‘ਚ ਉਨ੍ਹਾਂ ਨੇ ਇਸ ਨੂੰ ਘਟਾ ਕੇ 520 ਕਰੋੜ ਰੁਪਏ ਪ੍ਰਤੀ ਜਹਾਜ਼ ਕਰ ਦਿੱਤਾ। ਇਸ ਤੋਂ ਬਾਅਦ ਰਾਏਪੁਰ ‘ਚ ਉਨ੍ਹਾਂ ਨੇ ਇਸ ਨੂੰ ਵਧਾ ਕੇ 540 ਕਰੋੜ ਪ੍ਰਤੀ ਜਹਾਜ਼ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਹੈਦਰਾਬਾਦ ‘ਚ ਉਨ੍ਹਾਂ ਨੇ 526 ਕਰੋੜ ਰੁਪਏ ਦੀ ਨਵੀਂ ਕੀਮਤ ਲੱਭ ਲਈ। ਸੱਚ ਦਾ ਇਕ ਹੀ ਸਵਰੂਪ ਹੁੰਦਾ ਹੈ, ਜਦਕਿ ਝੂਠ ਦੇ ਕਈ ਪੜਾਅ ਹੁੰਦੇ ਹਨ।