: ਲਖਨਊ ਸੁਪਰ ਜਾਇੰਟਸ ਦੇ ਕਪਤਾਨ ਰਿਸ਼ਭ ਪੰਤ ਨੂੰ ਮੰਗਲਵਾਰ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਰੁਧ ਇੱਥੇ ਖੇਡੇ ਗਏ ਮੈਚ ਦੌਰਾਨ ਹੌਲੀ ਓਵਰ ਰੇਟ ਲਈ 30 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ।
ਪ੍ਰਭਾਵ ਖਿਡਾਰੀ ਸਮੇਤ ਅੰਤਿਮ ਇਲੈਵਨ ਵਿੱਚ ਸ਼ਾਮਲ ਹੋਰ ਖਿਡਾਰੀਆਂ ਨੂੰ 12-12 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ।ਆਈਪੀਐਲ ਮੀਡੀਆ ਰਿਲੀਜ਼ ਵਿੱਚ ਕਿਹਾ, “ਇਹ ਆਈਪੀਐਲ ਦੇ ਆਚਾਰ ਸੰਹਿਤਾ ਦੇ ਤਹਿਤ ਸੀਜ਼ਨ ਵਿੱਚ ਉਸ ਦੀ ਟੀਮ ਦੀ ਤੀਜੀ ਗ਼ਲਤੀ ਸੀ, ਇਸ ਲਈ ਰਿਸ਼ਭ ਪੰਤ ਨੂੰ 30 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ।”
ਰਿਲੀਜ਼ ਦੇ ਅਨੁਸਾਰ, “ਪ੍ਰਭਾਵ ਖਿਡਾਰੀ ਸਮੇਤ ਪਲੇਇੰਗ ਇਲੈਵਨ ਦੇ ਹਰੇਕ ਹੋਰ ਖਿਡਾਰੀ ਨੂੰ 12-12 ਲੱਖ ਰੁਪਏ ਜਾਂ ਉਨ੍ਹਾਂ ਦੀ ਮੈਚ ਫੀਸ ਦਾ 50 ਪ੍ਰਤੀਸ਼ਤ (ਜੋ ਵੀ ਘੱਟ ਹੋਵੇ) ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਪੰਤ ਦੀ 61 ਗੇਂਦਾਂ ‘ਤੇ ਨਾਬਾਦ 118 ਦੌੜਾਂ ਦੀ ਸ਼ਾਨਦਾਰ ਪਾਰੀ ਦੇ ਬਾਵਜੂਦ, ਮੇਜ਼ਬਾਨ ਲਖਨਊ ਛੇ ਵਿਕਟਾਂ ਨਾਲ ਮੈਚ ਹਾਰ ਗਿਆ।
