ਚੰਡੀਗੜ੍ਹ – ਪੰਜਾਬ ਦੇ ਸਾਬਕਾ ਸਿਹਤ ਮੰਤਰੀ ਤੇ ਸੀਨੀਅਰ ਭਾਜਪਾ ਨੇਤਾ ਮਦਨ ਮੋਹਨ ਮਿੱਤਲ ਨੂੰ ਉਸ ਸਮੇਂ ਭਾਰੀ ਸਦਮਾ ਲੱਗਾ, ਜਦੋਂ ਉਹਨਾਂ ਦੀ ਪੋਤੀ ਆਦਿਤੀ ਮਿੱਤਲ ਦਾ ਅੱਜ ਦੁਪਹਿਰ 1 ਵਜੇ ਦੇਹਾਂਤ ਹੋ ਗਿਆ| ਦੱਸਣਯੋਗ ਹੈ ਕਿ ਦੀਵਾਲੀ ਵਾਲੀ ਰਾਤ ਮੋਮਬੱਤੀ ਨਾਲ ਆਦਿਤੀ ਦੀ ਡਰੈੱਸ ਨੂੰ ਅੱਗ ਲੱਗ ਗਈ ਸੀ, ਜਿਸ ਨਾਲ ਉਹ 60 ਪ੍ਰਤੀਸ਼ਤ ਝੁਲਸ ਗਈ ਸੀ| 22 ਸਾਲਾ ਆਦਿਤੀ ਦਾ ਪੀ.ਜੀ.ਆਈ ਵਿਖੇ ਇਲਾਜ ਚੱਲ ਰਿਹਾ ਸੀ, ਜਿਥੇ ਉਸ ਨੇ ਅੱਜ ਆਖਰੀ ਸਾਹ ਲਏ| ਆਦਿਤੀ ਦਾ ਅੰਤਿਮ ਸਸਕਾਰ ਕੱਲ੍ਹ ਚੰਡੀਗੜ੍ਹ ਵਿਚ ਹੋਵੇਗਾ|
ਮਦਨ ਮੋਹਨ ਮਿੱਤਲ ਦੇ ਵੱਡੇ ਬੇਟੇ ਵਿਵੇਕ ਮਿੱਤਲ ਦੀ ਬੇਟੀ ਆਦਿਤੀ ਚੰਡੀਗੜ੍ਹ ਵਿਚ ਐਲ.ਐਲ.ਬੀ ਦੀ ਪੜ੍ਹਾਈ ਕਰ ਰਹੀ ਸੀ|
ਇਸ ਦੌਰਾਨ ਅਦਿਤੀ ਦੀ ਮੌਤ ਦੀ ਖਬਰ ਸੁਣ ਕੇ ਗਹਿਰੇ ਦੁੱਖ ਵਿਚ ਡੁੱਬੇ ਪਰਿਵਾਰ ਨਾਲ ਸੰਵੇਦਨਾ ਪ੍ਰਗਟ ਕਰਨ ਲਈ ਕਾਫੀ ਗਿਣਤੀ ਵਿਚ ਲੋਕ ਪਹੁੰਚਣੇ ਸ਼ੁਰੂ ਹੋ ਗਏ ਹਨ|