ਨਵੀਂ ਦਿੱਲੀ— ਰਾਜਦ ਪ੍ਰਧਾਨ ਲਾਲੂ ਪ੍ਰਸਾਦ ਯਾਦਵ ਦੇ ਬੇਟੇ ਤੇਜਸਵੀ ਰੇਲਵੇ ਹੋਟਲ ਅਲਾਉਂਸਿੰਗ ਭ੍ਰਿਸ਼ਟਾਚਾਰ ਮਾਮਲੇ ‘ਚ ਧਨ ਸ਼ੋਧਨ ਦੀ ਜਾਂਚ ਦੇ ਸਿਲਸਿਲੇ ‘ਚ ਈ.ਡੀ ਦੇ ਸਾਹਮਣੇ ਪੇਸ਼ ਹੋਏ।
ਬਿਹਾਰ ਦੇ ਸਾਬਕਾ ਉਪ-ਮੁੱਖਮੰਤਰੀ ਸਵੇਰੇ 11 ਵਜੇ ਦੇ ਬਾਅਦ ਈ.ਡੀ ਦੇ ਦਫਤਰ ਪੁੱਜੇ। ਇਸ ਮਾਮਲੇ ‘ਚ ਜਾਂਚ ਅਧਿਕਾਰੀ ਵੱਲੋਂ ਉਨ੍ਹਾਂ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਹਨ। ਇਸ ਮਾਮਲੇ ‘ਚ ਇਹ ਦੂਜਾ ਮੌਕਾ ਹੈ ਜਦੋਂ ਕੇਂਦਰੀ ਜਾਂਚ ਏਜੰਸੀ ਤੇਜਸਵੀ ਤੋਂ ਪੁੱਛਗਿਛ ਕਰ ਰਹੀ ਹੈ। ਇਸ ਤੋਂ ਪਹਿਲੇ ਈ.ਡੀ ਨੇ 10 ਅਕਤੂਬਰ ਨੂੰ ਉਨ੍ਹਾਂ ਤੋਂ ਕਰੀਬ 9 ਘੰਟੇ ਪੁੱਛਗਿਛ ਕੀਤੀ ਸੀ। ਇਸ ਦੇ ਬਾਅਦ ਤੋਂ ਤੇਜਸਵੀ ਚਾਰ ਮੌਕਿਆਂ ‘ਤੇ ਪੁੱਛਗਿਛ ਲਈ ਪੇਸ਼ ਨਹੀਂ ਹੋਏ ਅਤੇ ਨਵੇਂ ਸੰਮਨ ਦੇ ਬਾਅਦ ਸੋਮਵਾਰ ਨੂੰ ਏਜੰਸੀ ਸਾਹਮਣੇ ਪੇਸ਼ ਹੋਏ। ਏਜੰਸੀ ਨੇ ਲਾਲੂ ਪ੍ਰਸਾਦ , ਉਨ੍ਹਾਂ ਦੇ ਪਰਿਵਾਰ ਦੇ ਮੈਬਰਾਂ ਅਤੇ ਹੋਰ ਖਿਲਾਫ ਕੁਝ ਸਮੇਂ ਪਹਿਲੇ ਧਨ ਸ਼ੋਧਨ ਨਿਰੋਧਕ ਕਾਨੂੰਨ ਤਹਿਤ ਮਾਮਲਾ ਦਰਜ ਕੀਤਾ ਸੀ।
ਬਿਹਾਰ ਦੀ ਸਾਬਕਾ ਮੁੱਖਮੰਤਰੀ ਰਾਬੜੀ ਦੇਵੀ ਛੇ ਵਾਰ ਈ.ਡੇ ਦੇ ਸੰਮਨ ਨੂੰ ਅਣਦੇਖਾ ਕਰ ਚੁੱਕੀ ਹੈ। ਜੁਲਾਈ ‘ਚ ਕੇਂਦਰੀ ਜਾਂਚ ਬਿਊਰੋ ਨੇ ਲਾਲੂ ਪ੍ਰਸਾਦ ਅਤੇ ਹੋਰ ਖਿਲਾਫ ਐਫ.ਆਈ.ਆਰ ਦਰਜ ਕੀਤੀ ਸੀ ਅਤੇ ਉਨ੍ਹਾਂ ਦੀਆਂ ਕਈ ਸੰਪਤੀਆਂ ‘ਤੇ ਛਾਪੇਮਾਰੀ ਕੀਤੀ ਸੀ। ਸੀ.ਬੀ.ਆਈ ਦੀ ਐਫ.ਆਈ.ਆਰ ‘ਚ ਦੋਸ਼ ਲਗਾਇਆ ਗਿਆ ਹੈ ਕਿ ਲਾਲੂ ਪ੍ਰਸਾਦ ਨੇ ਬਤੌਰ ਰੇਲ ਮੰਤਰੀ ਆਪਣੇ ਕਾਰਜਕਾਲ ਦੌਰਾਨ ਆਈ.ਆਰ.ਸੀ.ਟੀ.ਸੀ ਦੇ ਦੋ ਹੋਟਲਾਂ ਦੇ ਰੱਖ ਰਖਾਵ ਦਾ ਕੰਮ 2002 ‘ਚ ਇਕ ਕੰਪਨੀ ਨੂੰ ਦਿੱਤਾ ਸੀ।