ਐੱਸਐੱਸਡੀ ਗਰਲਜ਼ ਕਾਲਜ ਵਿਖੇ ਨਸ਼ਿਆਂ ਖ਼ਿਲਾਫ਼ ਚਲਾਈ ਮੁਹਿੰਮ

ਬਠਿੰਡਾ, 20 ਨਵੰਬਰ (ਵੀਰਪਾਲ ਕੌਰ) : ਪੰਜਾਬ ਸਰਕਾਰ ਵੱਲੋਂ ਮਿਲੀਆਂ ਹਦਾਇਤਾਂ ਅਨੁਸਾਰ ਐੱਸਐੱਸਡੀ ਗਰਲਜ਼ ਕਾਲਜ ਦੇ ਪਿੰ੍ਸੀਪਲ ਡਾ. ਨੀਰੂ ਗਰਗ ਦੀ ਰਹਿਨੁਮਾਈ ਹੇਠ ਨਸ਼ਿਆ ਖਿਲਾਫ ਪੋ੍ਗਰਾਮ ਕਰਵਾਇਆ ਗਿਆ। ਬਾਡੀ ਗਰੁੱਪ ਦੇ ਕੋਆਰਡੀਨੇਟਰ ਮੈਡਮ ਨੇਹਾ ਭੰਡਾਰੀ ਅਤੇ ਪੋ੍ਗਰਾਮ ਅਫਸਰਾਂ ਐਨਐੱਸਐਸ. ਡਾ. ਸਿਮਰਜੀਤ ਕੌਰ,  ਗੁਰਮਿੰਦਰ ਜੀਤ ਕੌਰ ਅਤੇ ਡਾ. ਪੂਜਾ ਗੋਸਵਾਮੀ (ਐਨਸੀਸੀ ਇੰਚਾਰਜ) ਦੀ ਅਗਵਾਈ ਹੇਠ ਕਾਲਜ ਦੇ ਐੱਨਐੱਸਐੱਸ. ਯੂਨਿਟਾਂ, ਰੈਡ ਰਿੱਬਨ ਕਲੱਬਾਂ ਅਤੇ ਐਨਸੀਸੀ. ਯੂਨਿਟਾਂ ਵੱਲੋਂ ਬਾਡੀ ਡੇ ਪੋ੍ਗਰਾਮ ਮਨਾਉਂਦੇ ਹੋਏ 14 ਨਵੰਬਰ ਤੋਂ 17 ਨਵੰਬਰ, 2023 ਤੱਕ ਵਲੰਟੀਅਰਾਂ ਵਿਚ ਵੱਖ-ਵੱਖ ਗਤੀਵਿਧੀਆਂ ਕਰਵਾਈਆਂ ਗਈਆਂ। ਕੁਲਜੀਤ ਕੌਰ ਬੀਏ ਭਾਗ ਦੂਜਾ ਦੁਆਰਾ ਸਹੁੰ ਚੁੱਕਵਾਈ ਗਈ। ਨਿਹਾਰੀਕਾ ਨੇ ਨਸ਼ਿਆਂ ਤੇ ਕਵਿਤਾ ਪੇਸ਼ ਕੀਤੀ ਅਤੇ ਨੰਦਿਨੀ ਨੇ ਨਸ਼ਿਆਂ ਦੇ ਖਿਲਾਫ਼ ਆਪਣੇ ਵਿਚਾਰ ਪੇਸ਼ ਕੀਤੇ ਅਤੇ ਵਲੰਟੀਅਰਾਂ ਵੱਲੋਂ ਨਸ਼ਿਆਂ ਦੇ ਖਿਲਾਫ਼ ਰੰਗੋਲੀ ਬਣਾਈ ਗਈ ਅਤੇ ਨਾਅਰੇ (ਅਮਲੀ ਕਿਸੇ ਨੂੰ ਕਹਿਣ ਨਹੀਂ ਦੇਣਾ, ਨਸ਼ਾ ਪੰਜਾਬ ‘ਚ ਰਹਿਣ ਨੀ ਦੇਣਾ ਅਤੇ ਪੰਜਾਬੀਓ ਜਾਗੋ, ਨਸ਼ੇ ਤਿਆਗੋ ਆਦਿ) ਵੀ ਲਾਏ । ਇਸ ਮੁਹਿੰਮ ਵਿਚ 70 ਵਲੰਟੀਅਰਾਂ ਨੇ ਹਿੱਸਾ ਲਿਆ। ਮੈਡਮ ਨੇਹਾ ਭੰਡਾਰੀ ਵੱਲੋਂ ਸਾਰੇ ਵਲੰਟੀਅਰਾਂ ਨੂੰ ਆਪਣੀ ਸੰਸਥਾ, ਆਪਣੇ ਪਰਿਵਾਰਕ ਮੈਂਬਰਾਂ ਅਤੇ ਆਪਣੇ ਰਿਸ਼ਤੇਦਾਰਾਂ ਨੂੰ ਨਸ਼ਿਆਂ ਤੋਂ ਬਚਣ ਲਈ ਪੇ੍ਰਿਤ ਕੀਤਾ। ਕਾਲਜ ਪ੍ਰਿੰਸੀਪਲ ਡਾ. ਨੀਰੂ ਗਰਗ ਨੇ ਵਲੰਟੀਅਰਾਂ ਨੂੰ ਨਸ਼ਿਆਂ ਦੇ ਭੈੜੇ ਪ੍ਰਭਾਵ ਬਾਰੇ ਦੱਸਿਆ ਕਿ ਕਿਸ ਤਰ੍ਹਾਂ ਨਸ਼ੇ ਸਾਡੀ ਸਿਹਤ, ਪੈਸਾ ਅਤੇ ਪਰਿਵਾਰ ਨੂੰ ਤਬਾਹ ਕਰ ਦਿੰਦੇ ਹਨ। ਕਾਲਜ ਪ੍ਰਧਾਨ ਐਡਵੋਕੇਟ ਸੰਜੇ ਗੋਇਲ ਜੀ, ਕਾਲਜ ਸਕੱਤਰ ਵਿਕਾਸ ਗਰਗ ਜੀ ਨੇ ਐਨਐਨਐਸ. ਯੂਨਿਟਾਂ, ਰੈੱਡ ਰਿਬਨ ਕਲੱਬਾਂ ਅਤੇ ਐਨਸੀਸੀ. ਯੂਨਿਟਾਂ ਨੂੰ ਨਸ਼ਿਆਂ ਵਿਰੋਧੀ ਮੁਹਿੰਮ ਚਲਾਉਣ ਲਈ ਪ੍ਰਸ਼ੰਸਾ ਕੀਤੀ।