ਜੈਤੋ, 23 ਅਕਤੂਬਰ (ਜਗਦੀਪ ਸਿੰਘ ਗਿੱਲ) : ਇਲਾਕੇ ਦੀ ਨਾਮਵਰ ਵਿੱਦਿਅਕ ਸੰਸਥਾ ਦਸਮੇਸ਼ ਗਲੋਬਲ ਸਕੂਲ ਬਰਗਾੜੀ ਵਿਖੇ ਡਾਂਸ ਟੈਲਿੰਟ ਹੰਟ ਸੀਜ਼ਨ-2 ਕਰਵਾਇਆ ਗਿਆ। ਜਿਸ ਵਿੱਚ ਸਕੂਲ ਦੇ ਚੌਥੀ ਤੋਂ ਅੱਠਵੀਂ ਤੱਕ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਜਿਸ ਤਹਿਤ ਲੈਵਲ-1 ਵਿੱਚ 133 ਵਿਦਿਆਰਥੀਆਂ ਨੇ, ਲੈਵਲ-2 ਵਿੱਚ 91 ਵਿਦਿਆਰਥੀਆਂ ਨੇ ਅਤੇ ਲੈਵਲ-3 ਵਿੱਚ 65 ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਇਸ ਸਮੇਂ ਬੱਚਿਆਂ ਨੇ ਹਰਿਆਣਵੀ, ਰਾਜਸ਼ਥਾਨੀ, ਗੁਜਰਾਤੀ, ਮਰਾਠੀ, ਹਿਮਾਚਲੀ ਅਤੇ ਪੰਜਾਬੀ ਡਾਂਸ ਕਰਕੇ ਜੱਜ ਸਾਹਿਬਾਨਂ ਨੂੰ ਝੂਮਣ ਲਾ ਦਿੱਤਾ। ਜਿਸ ਵਿੱਚੋਂ ਫਾਈਨਲ ਰਾਊਂਡ ਵਿੱਚ ਵੱਖ-ਵੱਖ ਕਲਾਸਾਂ ਦੇ 25 ਵਿਦਿਆਰਥੀ ਹੀ ਪਹੁੰਚੇ। ਜਿੰਨ੍ਹਾਂ ਨੇ ਆਪਣੀ ਕਲਾ ਦੇ ਜੌਹਰ ਦਿਖਾਏ। ਸਕੂਲ ਦੇ ਪ੍ਰਿੰਸੀਪਲ ਸ਼੍ਰੀ ਅਜੇ ਸ਼ਰਮਾ ਜੀ, ਐਕਟੀਵਿਟੀ ਇੰਚਾਰਜ ਮੈਡਮ ਨੀਲੂ ਸ਼ਰਮਾ, ਕੋਆਰਡੀਨੇਟਰ ਵਿਨੇ ਪ੍ਰਤਾਪ ਸ਼ਰਮਾ ਅਤੇ ਡਾਂਸ ਅਧਿਆਪਕ ਧਰਮਪ੍ਰੀਤ ਸਿੰਘ ਨੇ ਪਹਿਲੀ, ਦੂਜੀ ਅਤੇ ਤੀਸਰੀ ਪੁਜੀਸ਼ਨ ਹਾਸਿਲ ਕਰਨ ਵਾਲੇ ਬੱਚਿਆਂ ਨੂੰ ਟਰਾਫੀਆਂ ਦੇ ਕੇ ਸਨਮਾਨਿਤ ਕੀਤਾ। ਇਸ ਸਮੇਂ ਜੱਜ ਦੀ ਭੂਮਿਕਾ ਮੈਡਮ ਕਿਰਨਪਾਲ ਕੌਰ ਅਤੇ ਮੈਡਮ ਨੀਸ਼ਾ ਨੇ ਨਿਭਾਈ।