ਮੰਦਭਾਗੀ ਖਬਰ-ਖੇਡਦੇ ਖੇਡਦੇ ਹੋਈ 11 ਸਾਲਾ ਬੱਚੇ ਦੀ ਮੌਤ

ਪਟਿਆਲਾ, 5 ਜੁਲਾਈ -ਗਿਆਰਾਂ  ਸਾਲ ਦੇ ਬੱਚੇ ਦੀ ਫਾਹਾ ਲੱਗਣ ਕਾਰਨ ਮੌਤ ਹੋ ਜਾਣ ਦੀ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ ਕਰਨ ਕੁਮਾਰ ਮੋਬਾਈਲ ‘ਤੇ game ਖੇਡਣ ਦਾ ਆਦੀ ਸੀ। ਸਕੂਲ ਤੋਂ ਆ ਕੇ ਕਰਨ ਆਪਣੀ ਭੈਣ ਨਾਲ ਕਮਰੇ ਵਿਚ ਖੇਡ ਰਿਹਾ ਸੀ। ਭੈਣ ਦੇ ਕਮਰੇ ‘ਚੋਂ ਆਉਣ ਤੋਂ ਕਾਫੀ ਸਮਾਂ ਬਾਅਦ ਵੀ ਕਰਨ ਬਾਹਰ ਨਹੀਂ ਆਇਆ ਜਿਸ ਕਰਕੇ ਪਰਿਵਾਰਕ ਮੈਂਬਰਾਂ ਨੇ ਕਮਰੇ ‘ਚ ਜਾ ਕੇ ਦੇਖਿਆ ਤਾਂ ਕੁੰਡੀ ਨਾਲ ਬੰਨ੍ਹੇ ਕੱਪੜੇ ਨਾਲ ਉਸਦੀ ਲਾਸ਼ ਲਟਕ ਰਹੀ ਸੀ। ਸੂਤਰਾਂ ਅਨੁਸਾਰ ਬੱਚੇ ਨੇ ਕੁੰਡੀ ਨਾਲ ਬੰਨ੍ਹੇ ਕੱਪੜੇ ਵਿਚ ਗੇਂਦ ਬੰਨ੍ਹੀ ਸੀ ਅਤੇ  ਟਰੰਕ ‘ਤੇ ਚੜ੍ਹ ਕੇ ਗੇਂਦ ਨੂੰ ਸਿਰ ਨਾਲ ਘੁਮਾ ਰਿਹਾ ਸੀ, ਇਸੇ ਦੌਰਾਨ ਟਰੰਕ ਖਿਸਕ ਗਿਆ ਤੇ ਕੱਪੜਾ ਉਸਦੇ ਗਲ ‘ਚ ਫਸ ਗਿਆ ਤੇ ਉਸਦੀ ਮੌਤ ਹੋ ਗਈ।