ਬਠਿੰਡਾ, 22 ਜੂਨ (ਵੀਰਪਾਲ ਕੌਰ): ਰਿਜਨਲ ਟਰਾਂਸਪੋਰਟ ਅਥਾਰਟੀ (ਆਰ.ਟੀ.ਏ) ਰਾਜਦੀਪ ਸਿੰਘ ਬਰਾੜ ਨੇ ਦੱਸਿਆ ਕਿ ਮੋਟਰ ਗੱਡੀਆਂ ਦੇ ਮਾਲਕ, ਚਾਲਕ ਤੇ ਡਰਾਈਵਿੰਗ ਲਾਇੰਸਸ ਧਾਰਕ ਸਬੰਧਤ ਲਾਇਸੰਸਿੰਗ ਤੇ ਰਜਿਸਟ੍ਰਿੰਗ ਅਥਾਰਟੀ ਦੇ ਦਫ਼ਤਰ ਵਿਖੇ ਆਪਣਾ ਮੋਬਾਇਲ ਨੰਬਰ ਅਪਡੇਟ ਕਰਵਾਉਣਾ ਲਾਜ਼ਮੀ ਬਣਾਉਣ। ਇਸ ਮੌਕੇ ਹੋਰ ਜਾਣਕਾਰੀ ਦਿੰਦਿਆਂ ਰਾਜਦੀਪ ਸਿੰਘ ਬਰਾੜ ਨੇ ਦੱਸਿਆ ਮਾਲਕਾਂ/ਚਾਲਕਾਂ ਤੇ ਡਰਾਈਵਿੰਗ ਲਾਇੰਸਸ ਧਾਰਕਾਂ ਦੇ ਸਹੀ ਮੋਬਾਇਲ ਨੰਬਰ ਦਫ਼ਤਰ ਦੇ ਰਿਕਾਰਡ ਵਿੱਚ ਦਰਜ ਨਹੀਂ ਹਨ, ਉਹ ਸਬੰਧਤ ਅਥਾਰਟੀ ਪਾਸ ਜਾ ਕੇ ਆਪਣਾ ਮੋਬਾਇਲ ਨੰਬਰ ਅਪਡੇਟ ਕਰਵਾ ਸਕਦੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸਬੰਧਤ ਵਿਅਕਤੀ ਵਿਭਾਗ ਦੀ ਵੈਬਸਾਈਟ www.punjabtransport.org ‘ਤੇ ਆਪਣੇ ਪੱਧਰ ਉੱਤੇ ਵੀ ਆਪਣਾ ਮੋਬਾਇਲ ਨੰਬਰ ਅਪਡੇਟ ਕੀਤਾ ਜਾ ਸਕਦਾ ਹੈ।