21, ਮਈ- ਝਾਰਖੰਡ ਤੋਂ ਹੱਜ ਯਾਤਰਾ ‘ਤੇ ਜਾਣ ਵਾਲੇ ਲੋਕਾਂ ਲਈ ਵੱਡੀ ਖੁਸ਼ਖਬਰੀ ਹੈ। ਰਾਜ ਸਰਕਾਰ ਇੱਥੋਂ ਹੱਜ ਯਾਤਰਾ ‘ਤੇ ਜਾਣ ਵਾਲੇ ਲੋਕਾਂ ਨੂੰ ਆਪਣੇ ਖਰਚੇ ‘ਤੇ ਕੋਲਕਾਤਾ ਭੇਜੇਗੀ। ਯਾਤਰਾ ਕਰਨ ਵਾਲਿਆਂ ਨੂੰ ਟ੍ਰੇਨ ਰਾਹੀਂ ਭੇਜਿਆ ਜਾਵੇਗਾ। ਯਾਤਰੀਆਂ ਨੂੰ ਕੋਲਕਾਤਾ ਤੋਂ ਲਿਆਉਣ ਦਾ ਖਰਚਾ ਵੀ ਸਰਕਾਰ ਚੁੱਕੇਗੀ। ਇਸ ਸੰਬੰਧੀ ਰਾਜ ਹੱਜ ਕਮੇਟੀ ਦੀ ਮੀਟਿੰਗ ਸ਼ਨੀਵਾਰ ਨੂੰ ਹੋਈ, ਜਿਸ ਵਿਚ ਇਹ ਫੈਸਲਾ ਲਿਆ ਗਿਆ। ਦਰਅਸਲ ਕਲਿਆਣ ਮੰਤਰੀ ਹਾਫਿਜ਼ੁਲ ਹਸਨ ਅਤੇ ਹਜ ਕਮੇਟੀ ਦੇ ਚੇਅਰਮੈਨ ਡਾਕਟਰ ਇਰਫਾਨ ਅੰਸਾਰੀ ਦੀ ਮੌਜੂਦਗੀ ‘ਚ ਕਿਹਾ ਗਿਆ ਸੀ ਕਿ ਵਾਧੂ ਕੋਚਾਂ ਲਈ ਡੀਆਰਐੱਮ ਨਾਲ ਗੱਲਬਾਤ ਹੋਈ ਹੈ। ਇਸ ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਹੱਜ ਯਾਤਰੀਆਂ ਲਈ ਹਾਵੜਾ ਸਟੇਸ਼ਨ ’ਤੇ ਬੱਸ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਇਸ ਤੋਂ ਯਾਤਰੀਆਂ ਨੂੰ ਕੋਲਕਾਤਾ ਹੱਜ ਭਵਨ ਲਿਜਾਇਆ ਜਾਵੇਗਾ। ਹੱਜ ਕਮੇਟੀ ਖਾਣ-ਪੀਣ ਦਾ ਵੀ ਪ੍ਰਬੰਧ ਕਰੇਗੀ। ਮੀਟਿੰਗ ਵਿੱਚ ਹੱਜ ਕਮੇਟੀ ਦੇ ਚੇਅਰਮੈਨ ਦੇ ਅਹੁਦੇ ਦੀ ਬਹਾਲੀ ਬਾਰੇ ਵੀ ਚਰਚਾ ਕੀਤੀ ਗਈ। ਇਸ ਸਾਲ ਭਾਰਤ ਦੀਆਂ 4314 ਔਰਤਾਂ ਨੇ ‘ਮੇਹਰਮ’ ਤੋਂ ਬਿਨਾਂ ਹੱਜ ਲਈ ਅਪਲਾਈ ਕੀਤਾ ਹੈ ਅਤੇ ਉਹ ਹੱਜ ਲਈ ਜਾਣਗੀਆਂ।