ਖੜੀ ਪੀ ਆਰ ਟੀ ਸੀ ਬੱਸ ਚੋਂ ਲਟਕਦੀ ਮਿਲੀ ਡਰਾਈਵਰ ਦੀ ਲਾਸ਼

4 ਅਪ੍ਰੈਲ 2023 : ਖੜ੍ਹੀ ਪੀ ਆਰ ਟੀ ਸੀ ਦੀ ਬੱਸ ’ਚੋਂ ਬੀਤੀ ਰਾਤ ਡਰਾਈਵਰ ਦੀ ਲਾਸ਼ ਮਿਲੀ ਹੈ।  ਮ੍ਰਿਤਕ ਦੀ ਪਛਾਣ ਕਮਲਪ੍ਰੀਤ ਸਿੰਘ ਪੁੱਤਰ ਕੇਵਲ ਸਿੰਘ ਵਾਸੀ ਖਿਆਲਾ ਕਲਾਂ ਵਜੋਂ ਹੋਈ ਹੈ ਤੇ ਉਹ ਪੀ ਆਰ ਟੀ ਸੀ ਦੇ ਬਰਨਾਲਾ ਡਿੱਪੂ ’ਤੇ ਡੇਲੀਵੇਜ ’ਤੇ ਡਰਾਈਵਰ ਵਜੋਂ ਤਾਇਨਾਤ ਸੀ। ਇਹ ਘਟਨਾ ਸਰਦੂਲਗੜ੍ਹ ਦੇ ਬੱਸ ਅੱਡੇ ਦੀ ਥਾਣਾ ਮੁਖੀ ਬਿਕਰਮਜੀਤ ਸਿੰਘ ਨੇ ਦੱਸਿਆ ਕਿ  ਅੱਜ ਸਵੇਰੇ ਪਤਾ ਲੱਗਾ ਕਿ ਬੱਸ ਚ ਡਰਾਈਵਰ ਦੀ ਲਾਸ਼ ਲਟਕ ਰਹੀ ਹੈ। ਪੁਲਿਸ ਨੇ ਲਾਸ਼ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਸਰਦੂਲਗੜ੍ਹ ਭੇਜ ਦਿੱਤੀ ਹੈ। ਮ੍ਰਿਤਕ ਦੇ ਪਿਤਾ ਕੇਵਲ ਸਿੰਘ ਪੁੱਤਰ ਤੇਜਾ ਸਿੰਘ ਦੇ ਬਿਆਨਾਂ ਦੇ ਆਧਾਰ ’ਤੇ ਪੁਲੀਸ ਨੇ ਧਾਰਾ 306 ਤਹਿਤ ਕੇਸ ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।